نیشنل الیکٹرک پاور ریگولیٹری اتھارٹی (نیپرا) نے بجلی3روپے45پیسے مہنگی کرنے پر کے الیکٹرک کی درخواست پر فیصلہ محفوظ کرلیا ہے-

باغی ٹی وی : تفصیلات کے مطابق کے الیکڑک نے ستمبرکی ماہانہ فیول ایڈجسٹمنٹ کی مد میں اضافے کی درخواست کی ہے جس میں حکام کا کہنا ہے کہ عالمی سطح پر ایل این جی اور تیل کی قیمتوں میں اضافے کا اثر پڑا ہے میرٹ آرڈر کی خلاف ورزی سے ایک ارب سولہ کروڑ روپے کا اضافی بوجھ پڑا جبکہ گیس کے کم پریشر کی وجہ سے اٹھانوے کروڑ نوے لاکھ روپے کا بوجھ پڑا۔

کے الیکٹرک اور پاکستان ایل این جی کے درمیان گیس فراہمی کا معاہدہ طے پا گیا

چئرمین نیپرا توصیف فاروقی نے سوال کیا کہ کیا سوئی سدرن کمپنی سے گیس کی خرید وفروخت کا معاہدہ ہوگیا ہے؟ جس پرکے الیکڑک حکام نے بتایا کہ سوئی سدرن کے ساتھ میٹنگ ہوئی ہے اور معاہدے کے حوالے سےبات چیت کی ہے سوئی سدرن نے کہا ہےکہ وزارت توانائی سے احکامات کے بعد کے الیکڑک سے میٹنگ کریں گے۔

چیئرمین نیپرا نے ہدایت کی ہے کہ کے الیکڑک بجلی کی پیداوا، کس پاورپلانٹ سے کتنی بجلی پیدا ہوئی، لاگت اورفروخت کے حوالے سے تمام تفصیلات اپنی ویب سائٹ پر ڈالے کے الیکڑک سے تمام تفصیلات بھی طلب کرلی ہیں۔

کے الیکڑک کا انوکھا کارنامہ بجلی کی جگہ اب پانی کی فراہمی

نیپرا نے کہا کے الیکڑک نے اپنے ذرائع سے سینتالیس فیصداورسی پی پی اے سے تریپن فیصد بجلی لی ہے ایک بات کھل کر آئی ہے کہ وفاقی حکومت کے الیکڑک کو سستی بجلی فراہم کر رہی ہے تاہم نیپرا نے ماہانہ فیول ایڈجسٹمنٹ پر فیصلہ محفوظ کرلیا ہے اوراتھارٹی تفصیلات کی جانچ پڑتال کے بعد فیصلہ جاری کرے گی۔