سعودی عرب کا مستقبل کا شہر دنیا کو دنگ کردے گا، نیا رنگ دے گا، کس قسم کا وہ شہر ہو گا ؟ جانیئے اس رپورٹ میں

ریاض : سعودی عرب کا دعویٰ ہے کہ اس سے پہلے ” نوم ” جیسا شہر دنیا میں‌نو تو تعمیر ہوا ہے اور نہ ہی اس کے طرز فنون کو کسی نے اختیار کیا ہوگا. سعودی عرب میں اس وقت 500 ارب ڈالرز کی لاگت سے ایک نئے شہر نیوم کی تعمیر پر کام ہورہا ہے۔

تحقیقاتی رپورٹ کے مطابق سعودی عرب کی تاریخ کے سب سے بڑے منصوبے کی چند تجاویز کو شیئر کیا گیا ہے، جہاں روبوٹس کی تعداد انسانوں سے زیادہ ہوگی جبکہ ہولوگرام ٹیچرز جینیاتی طور پر تدوین شدہ طالبعلموں کو تعلیم دیں گے۔

"نوم” شہر کی دنگ کردینے والی ہیں بلکہ یوں کہنا چاہیے کہ کسی سائنس فکشن سے کم نہیں اور یقین کرنا مشکل ہے کہ حقیقی زندگی میں ایسا ہونا ممکن ہوگا۔

اس شہر کے بارے میں جاری تحقیقاتی رپورٹ کے مطابق اس میں‌کلاﺅڈ سیڈنگ ٹیکنالوجی سے استفادہ کیا جائے گا.رپورت کے مطابق نیوم کا تجویز کردہ مقام ساحل پرواقع ہے جس کے ارگرد صحرا ہے، تو وہاں موسم کو کنٹرول میں رکھنے کے لیے کلاﺅڈ سیڈنگ ٹیکنالوجی کا استعمال کرکے بارش کے برسنے کو یقینی بنایا جائے گا۔

مستقبل کے اس شہر میں کیمرے، ڈرونز اور چہرے کی شناخت کرنے والی ٹیکنالوجی کا بہت زیادہ استعمال ہوگا، تاکہ شہریوں کے تحفظ کو یقینی بنایا جاسکے۔

نوم شہر میں‌سب سے اہم اور دلچسپ پہلو یہ نمایاں ہو گا کہ جینیاتی انجنیئرنگ پر کام ہوگا ، جاپان کا سافٹ بینک ‘زندگی سے موت تک کے ایک نئے طرز زندگی’ کو تشکیل دیا جائے گا، جس کے لیے جینز میں تبدیلی لاکر انسانی مضبوطی اور ذہانت کو بڑھایا جائے گا۔

نوم شہر کے بارے میں کی جانے والی تحقیق کے مطابق محمد بن سلمان نے اس شہر کے لیے ایک مصنوعی چاند کی تجویز دی ہے، جو کہ ممکنہ طور ڈرونز کے فلیٹ یا خلا سے لائیو اسٹریم امیجز کی مدد سے تیار ہوگا۔

نوم شہر میں انسان نہیں‌روبوٹ عوام الناس کی خدمت کریں گے . روبوٹس کے درمیان کیج فائٹس بھی لوگوں کی تفریح کے لیے ہوں گی جبکہ روبوٹ ڈائناسور سے بھرے ایک امیوزمنٹ پارک کو بھی تعمیر کیا جائے گا۔

blob:https://www.youtube.com/01c26dda-1a41-4591-8c56-83b4965427e4

تحقیقاتی رپورٹ کے مطابق اس شہر میں‌ شاہراہیں بچھانے کا فی الحال کوئی پروگرام نہیں بلکہ چلنے پھرنے کے لیے جدید اڑن طشریاں ہوں گی

یاد رہے کہ اکتوبر 2017 میں سعودی ولی عہد شہزادہ محمد بن سلمان نے بحیرہ احمر کے ساحلی علاقے میں 500 ارب ڈالرز کی لاگت سے نئے شہر کی تعمیر کا اعلان کیا تھا۔یہ تو سب کچھ ٹھیک ہے مگر کیا محمد بن سلمان یہ خواب پورے کر پائیں گےیا نہیں اس کے بارے میں فی الحال کچھ نہیں کہا جاسکتا.