نیو گوادر انٹرنیشنل ایئرپورٹ 2023 تک فعال ہو جائے گا.
جدید ترین گوادر بین الاقوامی ہوائی اڈہ ستمبر 2023 تک فعال ہو جائے گا، گوادر میں4,300 ایکڑ رقبے پر تعمیر ہونے والا جدید ترین اور سب سے بڑا 246 ملین ڈالر کا نیو گوادر انٹرنیشنل ایئرپورٹ ستمبر2023 تک فعال ہو جائے گا تاکہ ساحلی شہر میں مقامی اور بین الاقوامی پروازوں کا خیر مقدم کیا جا سکے۔ سرکاری حکام کے مطابق ہوائی اڈے کی ترقی مختلف مراحل میں ہے کیونکہ منصوبے کے مسافر ٹرمینل کی عمارت کی تعمیر جون2023 تک مکمل ہو جائے گی۔
حکام کے مطابق ہوائی ٹریفک کنٹرول سے متعلق کام مارچ2023 تک مکمل ہو جائے گا جبکہ ہوائی اڈے کی مجموعی تعمیر ستمبر2023 سے پہلے مکمل کر لی جائے گی۔ نیو گوادر انٹرنیشنل ایئرپورٹ کا انتظام و انصرام سول ایوی ایشن اتھارٹی(سی اے اے) کے ذریعے کیا جائے گا۔ جو پاکستان، عمان اور چین کے درمیان سہ فریقی منصوبے کا حصہ ہے اور ملکی اور بین الاقوامی فضائی آپریشنز کی صلاحیت کا حامل جدید ترین منصوبہ ہے۔ ہوائی اڈے کی ترقی چین پاکستان اقتصادی راہداری منصوبے کا ایک حصہ ہے. جو چین کے ون بیلٹ ون روڈ اقدام کا سنگ میل ہے۔
مزید یہ بھی پڑھیں؛
وزیر اعلی بلوچستان میر عبدالقدوس کا شاہ زیب رند کو کراٹے کمبیٹ لیگ جیتنے پر مبارکباد
ائیر پورٹ پرابھی پریس کانفرنس ہو رہیں کل کو یہاں فلمی تقریبات ہوں گی کرن جوہر کی طنز
بلوچستان حکومت؛ شام کے زلزلہ متاثرین کیلئے امداد روانہ
لاہور میں ریٹائرڈ ایس پی کے قتل کے الزام میں بھابھی سمیت 3 افراد گرفتار
مفتی تقی عثمانی کا موجودہ ملکی سیاسی صورتحال میں سیاستدانوں اور دیگر اداروں کومشورہ
گورنر ہاؤس میں خواتین کے لیے مفت مہندی لگانےکا اہتمام
ٹیلی کمیونیکیشن کمپنی نوکیا چاند پر 4 جی نیٹ ورک لگانے کے لیے تیار
چودھری رحمت علی میموریل ٹرسٹ، خدمت انسانیت کی اعلی مثال
پاکستان میں سب سے بڑا ہوائی اڈہ نیو گوادر انٹر نیشنل ایئرپورٹ ملک کا دوسرا ہوائی اڈہ ہوگا جو2022 میں اپنے تعمیراتی آغاز سے ہی اے۔380 طیاروں کو سنبھالنے کی صلاحیت کا حامل بنایا جا رہا ہے۔ یہ گوادر جزیرہ نما کی ترقی میں اپنا کردار ادا کرے گا اور پاکستان اور چین کے درمیان تجارت کو فروغ ملے گا، اس لئے خطے کی جغرافیائی سیاسی حیثیت کو سرمایہ کاری اور تجارتی مواقع کے جغرافیائی مرکز میں تبدیل کر دے گا۔ ہوائی اڈے کو سی اے اے کی رہنمائی کے تحت اوپن اسکائی پالیسی کے مطابق چلایا جائے گا اور ترقی دی جائے گی۔
