نیوزی لینڈ، گیس دھماکے سے چھ افراد زخمی، ایک مکان تباہ

نیوزی لینڈ کے کرائسٹ چرچ کے شمالی علاقے میں گیس دھماکے سے چھ افراد زخمی جبکہ ایک مکان تباہ ہوگیا۔
باغی ٹی وی کی رپورٹ کے مطابق گیس دھماکہ جمعہ کی صبح ہوا۔پولیس اور ریسکیو اہلکاروں نے متاثرہ علاقے کا محاصرہ کرلیا۔ زخمیوں کو ہسپتال میں منتقل کر دیا گیا ہے۔
لاہورنوانکوٹ کے علاقے میں سیلنڈر دھماکے کے نتیجے میں 2 افراد جھلس کر زخمی
مقامی لوگوں کے مطابق دھماکے کے ساتھ ہی انہوں نے آسمان میں دھواں اٹھتے دیکھا اور چاروں پھیلے ملبے کو دیکھا۔

دھماکے سے 17 مکانات متاثر ہوئے جبکہ نزدیکی 50 گھروں کو خالی کرایا لیا گیا۔ نارتھ ووڈ کے تمام باشندوں کو دھماکہ کے بعد گیس سے چلنے والی تمام اشیاء کو بند کرنیکی وارننگ جاری کی گئی ہے۔
واضح ر ہے کہ 15 مارچ کو کرائسٹ چرچ کے دو مسجدوں میں ہونے والے دہشت گردانہ واقعات میں 51 مسلمان شہید ہوگئے تھے۔