نوبیاہتا دلہن آگ میں جھلس کر جاں بحق، قتل یا خودکشی؟ تحقیقات شروع

مقبوضہ کشمیر کے ضلع رامبن کے ہوچک اکڑال میں ایک نو بیاہتا دلہن نے مبینہ طور پر اپنے جسم پر مٹی کا تیل چھڑک کرآگ لگا کر اپنی زندگی کا خاتمہ کیا۔ پولیس نے مقدمہ درج کرکے معاملے کی تحقیقات شروع کر دی ہیں۔
بھارت: ایک ہی خاندان کے 3 افراد نے کی خودکشی
باغی ٹی وی کی رپورٹ کے مطابق ضلع ڈوڈہ کے علاقے دیسہ سے تعلق رکھنے والی اکیس سالہ سپنا دیوی کی شادی صرف 18دن قبل سندیپ سنگھ ساکنہ ہوچک تحصیل اکڑال کے ساتھ ہوئی۔ اس کا شوہر سندیپ سنگھ بی ایڈ کی تعلیم کیلئے جموں میں مقیم تھا۔

سپنا دیوی کے ورثاء نے اسے خودکشی ماننے سے انکار کرتے ہوئے معاملے کی تحقیقات اور ساس سسر کی فوری گرفتاری کا مطالبہ کیا ہے۔ورثا کے مطابق یہ کیسے ممکن ہے کہ پاس کے کمرے میں بہوآگ لگا کر خودکشی کرے اور ساتھ کمرے میں سوئے ساس سسر کواس کی خبر تک نہ ہو۔
ورثا نے مزید کہا کہ کہ وقوعہ کی شام لڑکی نے اپنے والد سے فون پر بات کی اور اس دوران سپنا فون پر روئی بھی تھی۔

انہوں نے الزام لگایا کہ سپنہ دیوی کوباقاعدہ سازش کے تحت مبینہ طورآگ لگائی گئی اور اس کی اعلی سطحی تحقیقات کی جانی چاہئے۔