نائیجیریا: گیس ٹینکر میں دھماکے سے کئی ہلاکتیں

نائیجیریا میں گیس ٹینکر میں دھماکے سے کئی ہلاکتیں

نائیجیریا میں گیس ٹینکر میں دھماکے کے بعد آگ لگ گئی، واقعے میں9 بچوں سمیت 28 افراد ہلاک ہوگئے، دھماکے اور آتشزدگی کے باعث کئی گاڑیوں کو نقصان پہنچا۔روڈ سیفٹی ایجنسی کے ایک عہدیدار نے بتایا کہ وسطی نائیجیریا کی ریاست میں ٹرک بریک فیل ہونے کے بعد 5کاروں، 3 رکشوں اور متعدد موٹرسائیکلوں سے ٹکرانے کے بعد الٹ گیا دھماکے سے پھٹ گیا

جس کے بعد آگ لگ گئی،28افراد جاں بحق ہو گئے متعدد افراد زخمی بھی ہوئے جنہیں قریبی ہسپتالوں میں منتقل کر دیا گیا۔فیڈرل روڈ سیفٹی کارپوریشن کے ترجمان کے مطابق واقعہ ہائی وے پر واقع ایک پیٹرول اسٹیشن کے سامنے پیش آیا۔ریاستی گورنر کا کہنا ہے کہ حادثے میں متعدد جانوں کا زیاں ہوا، ٹینکر میں آگ لگنے کے نتیجے میں متعدد گاڑیاں، املاک اور دیگر قیمتی سامان تباہ ہوگیا.