کراچی: سندھ کابینہ کے الوداعی اجلاس میں نگران وزیراعلیٰ ریٹائرڈ جسٹس مقبول باقر اور وزیر صحت ڈاکٹر سعد خالد نیاز میں تلخ کلامی ہوئی۔
باغی ٹی وی: تفصیلات کے مطابق نگراں وزیراعلیٰ جسٹس (ر) مقبول باقر کی زیر صدارت سندھ کابینہ کا الوداعی اجلاس شروع ہوا تو وزیراعلیٰ اور نگراں وزیرصحت کے درمیان تلخ کلامی اور انتہائی سخت جملوں کا تبادلہ ہوا،جس کے باعث اجلاس ملتوی کردیا گیا ،سیکیورٹی اہلکار وزیراعلیٰ کو تحویل میں لے کر روانہ ہوگئے جبکہ نگراں وزیر صحت ڈاکٹر سعد اپنے دفتر پہنچے اور میڈیا سے گفتگو میں دعویٰ کیا کہ مجھے دھمکیاں دی گئیں ہیں جس پر خاموش نہیں بیٹھوں گا بلکہ کارروائی کروں گا –
نئی قومی اسمبلی کا پہلا اجلاس 29 فروری کو طلب
ڈاکٹر سعد نے کہا کہ میری ناکامی کی وجہ عدم تعاون، مداخلت اور نگراں وزیراعلیٰ کی انا تھی، اجلاس میں نگران وزیراعلیٰ سندھ نےکہا میں برداشت نہیں کرسکتا اور وہ چیخنےلگے، نازیبا الفاظ بھی استعمال کیے، کہا یہاں سے نکل جاؤ، تم جانتے نہیں میں کیا کرسکتا ہوں اور یہ واقعہ کئی لوگوں کے سامنے ہوا، میں نےجواب دیا کہ آپ کی والدہ میری ٹیچرتھی، آپ کو اپنے الفاظ پر شرم آنی چاہیے ، میرا قصور یہ تھا کہ میں نے کئی غلط معاملات پر آواز اٹھائی، میں نے روبوٹک سرجری اور جے ڈی سی کے معاملے پر اعتراض اٹھایا، یہ سب میں نے اپنے لیے نہیں بلکہ ملک و قوم کے فائدے کیلئے کیا۔
