عدم اعتمادکی دھمکی دینےوالوں کاایک دوسرےپراعتماد نہیں:سازشی نامراد لوٹیں گے:اہم شخصیت کا دعویٰ

اسلام آباد :عدم اعتماد کی دھمکی دینے والوں کا ایک دوسرے پراعتماد نہیں:سازشی نامراد لوٹیں گے:اہم شخصیت کا دعویٰ ،اطلاعات کے مطابق وفاقی وزیر داخلہ شیخ رشید نے دعویٰ کیا ہے کہ اپوزیشن کو ڈیڈلاک پڑچکا ہےکوئی تحریک عدم اعتماد نہیں آئے گی اور 23 مارچ کا کوئی لانگ مارچ نظرنہیں آ رہا۔حالانکہ میں نے ان کے استقبال کا بندوبست کررکھا ہے

نجی ٹی وی سے گفتگو کرتے ہوئے شیخ رشید نے کہا کہ بلاول بھٹو بےشک اسلام آباد آئیں انہیں کوئی رکاوٹ نہیں ملے گی آج وزیراعظم کی چوہدری براداران سے ملاقات کے بعد سب کچھ واضح ہوگیا ہے اپوزیشن کے غبارے سے ہوا نکل گئی،عمران خان نےملاقات کر کے اچھا کیا۔

شیخ رشید نے کہا کہ وزیراعظم عمران خان آج ملاقات کیلئے نہ جاتےتو افواہین جنم لیتی ق لیگ اور ایم کیوایم ہماری اتحادی جماعتیں ہیں، چھانگامانگا،مری کی سیاست اب نہیں چلےگی اپوزیشن ممبران کوکہاں لےکرجائےگی اب ماضی نہیں حال ہے۔

انہوں نے کہا کہ سیاسی لوگوں سےرابطےرہنےچاہئیں،وزیراعظم ملاقاتیں کریں گے حکومتی ممبران پورےہیں کوئی ممبر کہیں نہیں جارہا، بلاول بھٹوکےپاس ہمارےممبران کےنام ہیں تواعلان کردیں اپوزیشن اپنےلوگوں کودیکھےکہیں وہ ہمیں سپورٹ نہ کردے۔

وفاقی وزیر کا کہنا تھا کہ تحریک عدم اعتمادمیں ڈیڈلاک پیداہو چکا ہے اپوزیشن اپنی سیاسی موت خودمرچکی ہے اپوزیشن کی پوزیشن خراب عمران خان کی پوزیشن بہترہے، 9دن اپوزیشن اپنےممبران کوسنبھال کرنہیں رکھ سکتی، عدم اعتماد کیلئے9دن ہوتےہیں ان کےتلوں میں تیل نہیں۔