کرتارپورراہداری کی افتتاحی تقریب میں نوجوت سدھوکی شرکت،بھارت پریشان

اسلام آباد :وزیراعظم عمران خان نے ایک بارپھر کمال سفارتکاری کا مظاہرہ کرتے ہوئے بھارت کے لیے مشکلات پیدا کردی ہیں ، اطللاعات کےمطابق وزیر اعظم عمران خان نے سابق بھارتی کرکٹر نوجوت سنگھ سدھو کو کرتارپور راہداری کی افتتاحی تقریب میں شرکت کی دعوت دی جسے انہوں نے قبول کر لیا۔ سابق بھارتی وزیر اعظم منموہن سنگھ کو تقریب میں شرکت کی دعوت دی جا چکی ہے اور انہوں نے بھی ایک عام شہری کی حیثیت سے تقریب میں شرکت پر رضامندی ظاہر کردی تھی۔

برطانیہ نے10 ملین یادگاری سکے ضائع ، پاکستان نے جاری کردیئے

وزیر اعظم کی خصوصی ہدایت پر سینیٹر فیصل جاوید نے سابق بھارتی کرکٹر اور رکن اسمبلی نوجوت سنگھ سدھو سے رابطہ کر کے انہیں کرتارپور راہداری کی افتتاحی تقریب میں شرکت کی دعوت دی۔نوجوت سنگھ سدھو نے اس دعوت کو قبول کرتے ہوئے وزیر اعظم کا خصوصی طور پر شکریہ ادا کیا اور کہا کہ تاریخی تقریب میں مدعو کرنے پر وہ وزیر اعظم پاکستان کے شکر گزار ہیں اور 9 نومبر کو کرتارپور راہداری کی افتتاحی تقریب میں ضرور شرکت کریں گے۔

تاریخ میں پہلی بار50 روپے کا یادگاری سکہ جاری ، کس کے نام پر سب حیران

یہاں یہ بات قابل ذکر ہے کہ گزشتہ روز بھارت نے کرتارپور راہداری کی افتتاحی تقریب میں شرکت کے لیے آنے والے 575 افراد کی فہرست پاکستانی حکام کو دی تھی جس میں نوجوت سنگھ سدھو کا نام نہیں تھا اور ممکنہ طور پر اس فہرست کو دیکھنے کے بعد ہی سدھو کو خصوصی طور پر سابق بھارتی کرکٹر کو مدعو کرنے کا فیصلہ کیا گیا۔

یاد رہے کہ خیال رہے گزشتہ برس اگست میں سابق بھارتی کرکٹر نوجوت سنگھ سدھو پاکستان تحریک انصاف (پی ٹی آئی) کی دعوت پر وزیراعظم عمران خان کی تقریب حلف برداری میں شرکت کے لیے پاکستان آئے تھے۔وہ اس تقریب میں آرمی چیف جنرل قمر جاوید باجوہ سے گلے بھی ملے تھے اور ان سے غیر رسمی گفتگو کی تھی۔

قوام متحدہ میں‌ مستقل مندوب منیر اکرم کی عمران خان سے ملاقات

اس حوالے سے سدھو نے بتایا تھا کہ جب ان کی آرمی چیف جنرل قمر جاوید باجوہ سے ملاقات ہوئی تو انہوں نے کہا کہ پاکستان گرو نانک صاحب کے 550ویں جنم دن پر کرتارپور راہداری کھولنے سے متعلق سوچ رہا۔سابق بھارتی کرکٹر نے مزید کہا تھا کہ پاکستان فوج کے سربراہ اس ایک جملے میں انہیں وہ سب کچھ دے گئے جیسا کہ انہیں کائنات میں سب کچھ مل گیا ہو۔