نوکیا نے سستا ترین موبائل سی 1 پلس متعارف کرادیا

ایچ ایم ڈی گلوبل نے سستا ترین نیا فون نوکیا سی 1 پلس متعارف کرادیا ہے –

باغی ٹی وی: ٹیکنالوجی ویب سائٹ ڈاکٹر موبائل کے مطابق یہ فون کمپنی کے اینڈرائیڈ گو ایڈیسن کا حصہ ہے جس میں متعدد بہترین فیچرز جیسے ڈوئل سم سپورٹ اور اوکٹا کور پراسیسر موجود ہیں۔

فون میں 5.45 انچ کا ڈسپلے ایچ ڈی پلس ریزولوشن کے ساتھ دیا گیا ہے فون کے اندر یونی ایس او سی ایس سی 9863 اے پراسیسر دیا گیا ہے۔

فوٹو بشکریہ نوکیا

سی 1 پلس فون میں ایک جی بی ریم اور 16 جی بی اسٹوریج ہے جس میں مائیکرو ایسس ڈی کارڈ سے 128 جی بی تک اضافہ کیا جاسکتا ہے۔

اینڈرائیڈ گو پروگرام کا حصہ ہونے کی وجہ سے بیشتر ایپس ڈیٹا کا استعمال کم کرتی ہیں اور سست انٹرنیٹ پر بھی ٹھیک کام کرتی ہیں۔

فون میں فنگرپرنٹ سپورٹ تو نہیں مگر اس کا آپریٹنگ سسٹم چہرے کی شناخت کو سپورٹ کرتا ہے موبائل فون 2 رنگوں بلیو اور سرخ میں پیش کیا گیا ہے-

سی 1 پلس میں 2500 ایم اے ایچ بیٹری موجود ہے اور بیٹری لائف کے بارے میں کچھ بتایا تو نہیں گیا مگر نوکیا کے فونز کی بیٹری لائف ہمیشہ ہی بہترین ہوتی ہے۔

فوٹو بشکریہ نوکیا

سی 1 پلس میں فرنٹ پر 5 میگا پکسل کیمرا اور ایل ای ڈی فلیش موجود ہے جو کم روشنی میں بھی کافی بہتر تصاویر فراہم کرتی ہے اس کے بیک پر ایک ہی کیمرا ہے جو کہ 5 میگا پکسل کا ہے جس کے ساتھ بھی ایل ای ڈی فلیش موجود ہے۔

یہ فون سب سے پہلے روس میں فروخت کے لیے پیش کیا جارہا ہے جس کی قیمت 6490 روبل (تقریباً 14 ہزار 270 پاکستانی روپے) رکھی گئی ہے۔