ن لیگی رہنما پر قاتلانہ حملہ، گاڑی سے اتار کر گولیاں مار دی گئیں

ن لیگی رہنما پر قاتلانہ حملہ، گاڑی سے اتار کر گولیاں مار دی گئیں

باغی ٹی وی کی رپورٹ کے مطابق پنجاب کے شہر راولپنڈی میں مسلم لیگ ن کے سابق یوسی چیئرمین پر نامعلوم مسلح ملزمان نے فائرنگ کی ہے، واقعہ تھانہ صدر کی حدود میں پیش آیا.

پولیس کے مطابق راولپنڈی کی یوسی 89 کے سابق چیئرمین چوہدری ساجد پر قاتلانہ حملہ کیا گیا ہے، نامعلوم مسلح ملزمان نے سابق یوسی چیئرمین کو گاڑی سے اتار کر فائرنگ کی جس کے نتیجے میں چوہدری ساجد کو گردن پر گولی لگی۔

اطلاع پر پولیس کی بھاری نفری موقع پر پہنچ گئی اور چودھری ساجد کو تشویشناک حالت میں ہسپتال منتقل کر دیا گیا،وااقعہ کے بعد پولیس نے علاقے میں سرچ آپریشن کا آغاز کر دیا ہے، پولیس کا کہنا ہے کہ جلد ملزمان کو گرفتار کر لیا جائے گا.

اطلاع پر چودھری ساجد کے لواحقین اور ن لیگی کارکنان بھی ہسپتال پہنچنا شروع ہو گئے.