نورالحق قادری کاامام مسجد اقصیٰ سےرابطہ،وزیراعظم کا خصوصی پیغام پہنچایا:بھر پورحمایت کی یقین دہانی

اسلام آباد:نور الحق قادری کا امام مسجد اقصیٰ سے رابطہ،وزیراعظم کا خصوصی پیغام پہنچایا: پاکستان کی بھر پور حمایت کی یقین دہانی ،اطلاعات کے مطابق وفاقی وزیر برائے مذہبی امور نور الحق قادری نے مسجد اقصیٰ کے امام شیخ عکرمہ سعید سے ٹیلی فونک گفتگو کی اوروزیراعظم پاکستان عمران خان کا خصوصی پیغام پہنچایا

وزیرمذہبی امور پاکستان پیر نورالحق قادری نے کہا کہ انہوں نےاس موقع پر پاکستان کی جانب سے بھرپور حمایت کا یقین دلایا۔

نور الحق قادری کا کہنا تھا کہ فلسطینی قوم اور ان کی آزادی کی تحریک کے ساتھ ہیں ، ان شا اللہ فتح آپ کا مقدر ہوگی ۔وفاقی وزیر کا کہنا تھا کہ پاکستان اسرائيل کو کبھی تسلیم نہیں کرے گا ، بہت جلد آپ کی اقتدا میں مسجد اقصٰی میں نماز ادا کریں گے۔

مسجد اقصٰی کے امام نےکہا کہ پاکستانی قوم فلسطینیوں سے بہت محبت کرتی ہے اور فلسطین پر اسرائيل کا قبضہ تسلیم نہيں کرتی۔انہوں نےکہا کہ فلسطینی ثابت قدم ہیں اور کمربستہ ہیں اور پاکستان کے جذبات کو قدر کی نگاہ سے دیکھتے ہیں