پاکستان شوبزانڈسٹری کی معروف اداکارہ و ماڈل سائرہ یوسف نے بیٹی نورے کی سالگرہ کے موقع پر اُن کے لیے سوشل میڈیا پر محبت بھرا پیغام جاری کیاہے۔
باغی ٹی وی : اداکارہ و ماڈل سائرہ یوسف سائرہ یوسف اور شہروز سبزواری کی بیٹی ’نورے‘ آج چھ سال کی ہوگئی، اس حوالے سے سائرہ یوسف نے اپنے انسٹاگرام اکاؤنٹ پر اپنی بیٹی نورے کی سالگرہ پر مبارکباد دیتے ہوئے اپنے جذبات کا اظہارکیا ہے-
https://www.instagram.com/p/CC6kkSVp5Pf/
سماجی رابطے کی ویب سائٹ انسٹاگرام پر سائرہ یوسف نے دو تصاویر شیئر کی ہیں، ایک تصویر میں وہ کیک ہاتھ میں لیے کھڑی مسکرا رہی ہیں جبکہ دوسری تصویر صرف کیک کی ہے کیک پرایک گڑیا بنی ہوئی ہے، سائرہ نے اسے نمایاں کرتے ہوئے کیپشن میں لکھا کہ اور بالکل ایسے ہی نورے چھ سال کی ہوگئی-
سائرہ یوسف نے مزید لکھا کہ ’تم میں ، میں خالص محبت دیکھتی ہوں۔
سائرہ یوسف کی پوسٹ پر ردعم دیتے ہوئے اداکارہ ثنا جاوید نے بھی نورے کے لئے محبت کا اظہار کرتے ہوئے سالگرہ کی مبارکباد دی-
واضح رہے کہ رواں سال مارچ کے مہینے میں شہروز سبزواری اور سائرہ یوسف نے شادی کے 8 برس بعد ایک دوسرے سے راہیں جدا کرلیں تھیں طلاق کی تصدیق کے 2 ماہ بعد شہروز سبزواری نے تصدیق کی کہ انہوں نے ماڈل صدف کنول سے نکاح کرلیا ہے۔
