سیالکوٹ،باغی ٹی وی( بیوروچیف سیالکوٹ )میونسپل کارپوریشن سیالکوٹ کے نام پر شہریوں کو بلیک میل کرکے لاکھوں روپے بٹورنے والا نوسر باز گرہ سرغنہ سمیت رشوت لیتے ہوئے رنگ ہاتھوں گرفتار تھانہ صدر پولیس نے مقدمہ درج کرکے ملزمان حوالات جوڈیشل کردیا
تھانہ صدر کے علاقہ بٹر میں رہائشی مقامات پر تعمیر شدہ بلڈنگ کے نقشے چیک کرنے کے بہانے سادہ لوح شہریوں کو میونسپل کارپوریشن کا آفیسر ظاہر کرکے رشوت بٹورنے والا نوسر باز گرہ تھانہ صدر پولیس کی گرفت میں آگیا
ایس ایچ او تھانہ صدر سیالکوٹ قیصر بشیر گھمن نے کارروائی کرتے ہوئے اشفاق گھمن اور اسکے ساتھی ذوالفقار کو شہری سے 10 ہزار روپے رشوت لیتے ہوئے رنگے ہاتھوں گرفتار کرلیا
قبل ازیں ملزمان شہر سیالکوٹ میں مختلف مقامات پر شہریوں کے ساتھ نوسر بازی اور بلیک میلنگ کرکے لاکھوں روپے بٹور چکے ہیں
تھانہ صدر پولیس نے ملزمان کے خلاف مقدمہ درج کرکے پابند سلاسل کردیا ایس ایچ او تھانہ صدر قیصر بشیر گھمن کا کہنا تھا کہ کوئی بھی قانون سے بالاتر نہیں، نوسربازوں اور قانون کی خلاف وزی کرنے والوں سے آہنی ہاتھوں سے نمٹنا جائے گا
