ٹائی ٹینک جیسا بحری جہاز بنانے کی تیاریاں

سڈنی : آسٹریلیا سے تعلق رکھنے والے ارب پتی کلائیو پالمر ٹائی ٹینک جیسا بحری جہاز بنانے کا اعلان کیا ہے-

باغی ٹی وی : عالمی میڈیا کے مطابق سب سے پہلے کلائیو پالمر نے 2012 میں ٹائی ٹینک 2 کی تیاری کا اعلان کیا اور 2018 میں ایک بار پھر یہ اعلان کیا،اب سڈنی میں ایک پریس کانفرنس کے دوران 6 سال بعد ایک بار پھر انہوں نے اس منصوبے کو دوبارہ شروع کرنے کا اعلان کیا ہے۔

جب 2012 میں انہوں نے پہلی بار اس منصوبے کا اعلان کیا تھا تو ان کا کہنا تھا کہ 2016 میں اسے مکمل کرلیا جائے گا مگر پھر اس پر کام نہیں ہوسکا، بعد ازاں 2018 میں جب دوبارہ اس پر کام شروع ہوا تو کووڈ 19 کی وبا کے باعث ایک بار پھر کام روکنا پڑا۔

ریسٹورنٹس کو افطاری سے سحری تک کھلا رکھنے کی اجازت ہے،عدالت

کلائیو پالمر بلو اسٹار لائن نامی کمپنی کے چیئرمین ہیں اور گزشتہ برسوں میں وہ کووڈ کی وبا کے دوران سرحدوں کی بندش پر آسٹریلیا کی ریاستی اور وفاقی حکومتوں کے خلاف مقدمات بھی دائر کر چکے ہیں، ٹائی ٹینک 2 کی تیاری کا اعلان کرتے ہوئے کلائیو پالمر نے کہا کہ طویل تاخیر کے بعد ہمیں یہ اعلان کرتے ہوئے خوشی ہو رہی ہے کہ ٹائی ٹینک 2 کو حقیقی شکل دینے کا خواب تعبیر پانے والا ہے۔

18لاکھ سے زائد راشن بیگز مستحق افراد کی دہلیز تک پہنچا دیئے،چیف سیکرٹری

اس جہاز کی تیاری 2025 کی پہلی سہ ماہی میں شروع ہونے کا امکان ہے، جبکہ اس سے کب تک مکمل کرلیا جائے گا، اس بارے میں ابھی کلائیو پالمر نے کچھ نہیں بتایا، یہ بحری جہاز 269 میٹر لمبا اور 32.2 میٹر چوڑا ہوگا، یعنی اصل ٹائی ٹینک سے کچھ زیادہ چوڑا ہوگا، اس میں ایک وقت میں 2345 مسافر سفر کر سکیں گے جن کے لیے 9 عرشوں میں 835 کیبن تعمیر کیے جائیں گے۔

واضح رہے کہ 1912 میں اپنے وقت کا سب سے بڑا بحری جہاز ٹائی ٹینک اپنے پہلے ہی سفر میں برفانی تودے سے ٹکرا کر سمندر میں غرق ہوگیا تھا،اس جہاز کا ملبہ آج بھی بحر اوقیانوس میں ساڑھے 12 ہزار فٹ کی گہرائی میں موجود ہے۔

قومی اور صوبائی اسمبلیوں کے ضمنی الیکشن کا شیڈول جاری