لاہور : سکول ایجوکیشن ڈیپارٹمنٹ نے سکولوں میں اساتذہ کی بروقت حاضری کو یقینی بنانے کے لیے جدید آن لائن سسٹم متعارف کروا دیا ہے. نئے سسٹم کے تحت 5 لاکھ سے زائد اساتذہ کی آن لائن حاضری لگائی جائے گی۔
سکولوں میں اس جدید الیکٹرانک سسٹم کے متعلق جو معلومات سامنےآئی ہیں ان کے مطابق محکمہ سکول ایجوکیشن نے اساتذہ کی حاضری کیلئے الیکٹرانک اٹنڈنس کا نظام متعارف کروایا دیا، الیکٹرانک حاضری کیلئے سکول انفارمیشن سسٹم کو اَپ گریڈ کیا گیا، نئے سسٹم کے تحت اساتذہ کی حاضری آن لائن ہوگی۔
سکول ایجوکیشن ذرائع کے مطابق اب ڈسٹرکٹ ایجوکیشن اتھارٹی لاہور کے حکام آفس میں بیٹھے کسی بھی سکول کی آن لائن حاضری چیک کر سکیں گے، گرلز سکول ساڑھے7 تک اور بوائز سکول کے اساتذہ پونے آٹھ تک حاضری لگانے کے پابند ہونگے۔محکمہ سکول ایجوکیشن کا کہنا ہے کہ لیٹ ہونے کی صورت میں سسٹم حاضری قبول نہیں کرے گا
