مسلم لیگ نواز کے قائد نواز شریف نے اپنی رہائش گاہ جاتی امرا میں مصروف دن گزارا اور مختلف افراد سے ملاقاتیں بھی کیں ہیں ۔ سابق وزیر اعظم نے اپنی لیگل ٹیم سے بھی ملاقات کی ہیں اور پارٹی ذرائع کے مطابق نواز شریف کی کل اسلام آباد روانگی متوقع ہے اور مسلم لیگ ن کے قائد نواز شریف سے شہباز شریف، حمزہ شہباز اور اسحاق ڈار نے اپنے خاندان کے ساتھ جاتی امرا میں ملاقات بھی کی ہے۔ قریبی رشتے داروں اور عزیز و اقارب بھی نواز شریف سے ملنے جاتی امرا پہنچے تھے۔
علاوہ ازیں مسلم لیگ نواز کے صدر شہباز شریف نے پارٹی قائد کو ملکی سیاسی صورتحال اور پارٹی امور کے بارے میں آگاہ کیا ہے اور دونوں رہنماؤں کے درمیان آئندہ کی انتخابی حکمت عملی پر بھی گفتگو ہوئی ہے اور سابق وزیر اعظم میاں محمد نواز شریف کو سابق وفاقی وزیر خزانہ اسحاق ڈار نے ملکی اقتصادی صورتحال کے بارے میں بریفنگ دی تھی۔
خیال رہے کہ سابق وزیر قانون اعظم نذیر تارڑ نے بھی نواز شریف سے ملاقات کی ہے اور اعظم نذیر تارڑ نے نواز شریف کو مختلف عدالتوں میں زیر سماعت مقدمات سمیت قانونی امور پر بریفنگ بھی دی ہیں تاہم اے این پی کے رہنما اور سابق وفاقی وزیر ریلوے غلام احمد بلور بھی نواز شریف سے ملاقات کرنے جاتی امرا پہنچے، تاہم انھیں نواز شریف سے ملنے کی اجازت نہ ملی جسکے بعد وہ واپس چلے گئے۔
مزید یہ بھی پڑھیں؛
عون چودھری کی نواز شریف کے استقبال کرنے پر وضاحت
ایوارڈ شوز میںریما ریشم نرگس سے گانوں پر پرفارم کروانا چاہیے یاسر حسین
غلام بلور نے میڈیا کو بتایا کہ وہ بغیر اطلاع کے نواز شریف سے ملنے آئے تھے، اور اجازت نہ ملنے کے بعد پشاور جا رہے ہیں تاہم پارٹی ذرائع کے مطابق سابق وزیر اعظم نواز شریف کی کل اسلام آباد روانگی متوقع ہے اور نواز شریف حفاظتی ضمانت پر ہیں جس کی مدت 24 اکتوبر کو ختم ہو جائے گی۔ ذرائع کے مطابق نواز شریف اس سے پہلے عدالت کے سامنے سرنڈر کریں گے جس کے بعد انکے وکلا عدالت سے نواز شریف کی عبوری ضمانت کی درخواست کریں گے۔
