اوچ شریف،باغی ٹی وی ( نامہ نگارحبیب خان) گذشتہ رات ممتاز عالم دین شیخ الحدیث والتفسیرمولانا محمد ابرہیم کی نماز جنازہ ادا کر دی گئی ،دینی و سیاسی رہنماؤں سمیت ہزاروں افراد کی شرکت
ممتاز عالم دین، شیخ الحدیث والتفسیرمولانا محمد ابرہیم کی نماز جنازہ گورنمنٹ بوائز ہائی سکول اوچ شریف میں ادا کر نے کے بعد انہیں جید علمائے کرام اور ہزاروں سوگواروں کی موجودگی میں سپرد خاک کر دیا گیا ،انہوں نے بیوہ کے علاوہ دو بیٹے اور چھ بیٹیاں سوگوار چھوڑی ہیں۔
اوچ شریف شہر کے ممتاز عالم دین، شیخ الحدیث والتفسیرمولانا محمد ابرہیم گذشتہ شب مختصر علالت کے بعد 78 برس کی عمر میں و فات پا گئے تھے ،ان کی نماز جنازہ گورنمنٹ بوائز ہائی سکول اوچ شریف میں ادا کرنے کے بعد ہزاروں افراد کی موجودگی میں سپرد خاک کر دیا گیا ، ان کی نماز جنازہ مرحوم کے فرزند ارجمند مولانا عبد الصمد کی امامت میں ادا کی گئی نماز جنازہ میں انکے عزیز واقارب سمیت سینکڑوں علما ،سیاسی و سماجی رہنماؤں سمیت ہزاروں افراد نماز جنازہ میں شریک ہوئے ، اس موقع پر بڑے رقت آمیز مناظر دیکھنے میں آئے ۔
شیخ الحدیث والتفسیرمولانا محمد ابرہیم جید عالم دین اور محقق تھے ، شیخ الحدیث والتفسیرمولانا محمد ابرہیم کو علم تفسیر، علم حدیث ، علم فقہ سمیت بڑی بڑی تدریسی کتابوں پر ملکہ حاصل تھا اور وہ 50 سال سے اوچ شریف کے بڑے مدارس خلفائے راشدین میں مدیر کے طور پر فرائض سرانجام دیتے رہے ۔ مولانا محمد ابرہیم ختم نبوت میں بھی ہراول دستہ کے طور پر شریک رہے اور ان تحریکوں کے دوران انہوں نے قید وبند کی صعوبتیں بھی برداشت کیں،
نماز جنازہ کے موقع پر علمائے کرام سمیت سیاسی شخصیات سمیت دیگر نے شیخ الحدیث والتفسیرمولانا محمد ابرہیم کی وفات پر گہرے رنج وغم کا اظہار کرتے ہوئے اپنے تعزیتی پیغامات میں مرحوم کی دینی و ملی خدمات کو زبردست خراج تحسین پیش کیا اور کہا کہ وہ علمی دنیا اور دین حقہ کا بہت بڑاثاثہ تھے، انکی دینی، تبلیغی،علمی اور جماعتی خدمات کو ہمیشہ یاد رکھا جائے ،انکی وفات سے شہر اوچ شریف شہر میں دینی خلاء پیدا ہو گیا ہے جو مدتوں پورا نہیں ہوسکے گا، اِنہوں نے مرحوم کی مغفرت اور لواحقین کے لیے صبر جمیل کی دعا کی
