تحریک انصاف نے فارم 45 بین الاقوامی میڈیا کے سامنے رکھ دیئے

بانی پی ٹی آئی عمران خان کی دونوں بہنیں علیمہ خان اور عظمی خان پریس کانفرنس میں موجود ہیں،راولپنڈی سے پی ٹی آئی امیدوار سیمابیہ طاہر نے تلاوت قرآن پاک کی،پریس کانفرنس سے پہلے قومی ترانہ پڑھا گیا

پی ٹی آئی نے پریس کانفرنس میں قومی اسمبلی کے 45 حلقوں کی تفصیلات جاری کردیں، قومی اسمبلی کے 45 حلقوں میں فارم 45 کی بنیاد پر جیتے مگر ہمیں ہرا دیا گیا،ہرائی گئی 45 نشستوں کو ن لیگ کو 18 ایم کیو ایم کو 17 پیپلزپارٹی کو 6 سیٹیں دیدی گئیں،دو آزاد،ایک ایک سیٹ آئی پی پی اور مسلم لیگ ض کو دی گئی،

تحریک انصاف کے رہنما ،ترجمان رؤف حسن کا کہنا تھا کہ 46 سیٹوں پر انتخابی عذرداری کی درخواستیں دی ہیں، 177 میں سے 92 سیٹوں پر ہماری کامیابی کا باقاعدہ اعلان کیا گیا ،پی ٹی آئی کے امیدوار کیخلاف الیکشن میں فراڈ کیا گیا، 29 سیٹوں سے متعلق ڈیٹا اکٹھا کیا جارہا ہے، جہاں سے پی ٹی آئی جیتی ہے، یہ الیکشن دھاندلی کی وجہ سے ہمیشہ یاد رکھا جائے گا،کئی حلقوں میں ٹرن آؤٹ کم تھا مگر ووٹ زیادہ نکلے،میڈیا کو دھاندلی کے ویڈیوزثبوت دکھائے جارہے ہیں،

فارم 45،دستخط اور انگوٹھے کے نشانات تبدیل نہیں ہوسکتے، شیر افضل مروت
شیر افضل مروت کا کہنا تھا کہ الیکشنز میں فارم 45 بنیادی اور اصولی فارم ہے، اگر فارم 45 اور 47 میں کوئی فرق آجائے تو فارم 45 کو برتری حاصل ہوگی،انتخابات کے تمام نتائج فارم 45 میں کی گئی انٹریز ہیں، فارم 45 میں لگائے گئے انگوٹھے کے نشانات کو سائنز کی مدد سے باآسانی ویریفائی کیا جاسکتا ہے،مولانا فضل الرحمان بھی گواہی دے رہا ہے کہ امریکی دباؤ میں پاکستان میں رجیم تبدیل ہوئی، امریکہ کے دباؤ میں پی ٹی آئی کی حکومت ہٹائی گئی ، پاکستان میں انتخابی نتائج کو تبدیل کیا گیا ، الیکشن کے دن پاکستان کے عوام نے کھل فیصلہ کیا ، فارم 45 اور فارم 47 کے نتائج سب کے سامنے ہیں دھاندلی کی گئی، دستخط اور انگوٹھے کے نشانات تبدیل نہیں ہوسکتے،

جو کہتا ہے جیتا ہوں‌وہ فارم 45 دکھا دے مبارکباد دوں گا، شوکت بسرا
پی ٹی آئی رہنما شوکت بسرا کا کہنا تھا کہ میں اس دھاندلی کے خلاف کل سپریم کورٹ میں بھی پیش ہوا ہوں، مجھے الیکشن کے لیے کمپین نہیں کرنے دی گئی، لوگوں نے اس کے باوجود مجھے اعتماد دلایا کہ یہ ووٹ پی ٹی آئی کا ہی ہے، ہمارے لوگ 48 گھنٹے تک آر او افس کے باہر بیٹھے رہے، ہمارے پاس وہ ویڈیوز بھی موجود ہیں جس میں جعلی پیپرز بنائے جا رہے ہیں،48 گھنٹے کے بعد مجھے بھی میرے حلقے سے ہرایا گیا،میں کل چیف جسٹس اسلام آباد ہائی کورٹ کے سامنے پیش ہوا تھا، مجھے سپریم کورٹ سے 8 دن پہلے الیکشن سے پہلے اجازت دی گئی، مجھے الیکشن کمپین نہیں کرنے دی گئی لوگوں نے کہا ووٹ خان صاحب کی امانت ہے، 96710مجھے ووٹ ملے دوسرے نمبر نون لیگ کے امیدوار کے 72784 ووٹ ملے اور اعجاز الحق کو 58822 ووٹ ملے، صبح تیسرے نمبر پر آنے والے امیدوار کو جتوایا گیا، الیکشن کمیشن نے اسکا نوٹیفیکشن بھی جاری کر دیا، میں چیف جسٹس سے گزارش کروں گا مجھے اور اعجاز الحق کو بلائیں، وہ اپنے فارم 45 دیکھا دیں میں جیت کی مبارک باد انہیں دونگا،

پریذائڈنگ افسران کو مارا گیا ان سے بکسے چھینے گئے،آر او آفس میں میرے اوپر تشدد کیا گیا،ریحانہ ڈار
ریحانہ ڈار کا کہنا تھا کہ ظلم کے خلاف ڈٹ گئی ہوں،سیالکوٹ نے بانی پی ٹی آئی کو ووٹ دیا،سیالکوٹ بانی پی ٹی آئی کا ہے، پریذائڈنگ افسران کو مارا گیا ان سے بکسے چھینے گئے،آر او آفس میں میرے اوپر تشدد کیا گیا،خواجہ آصف کی ایماء پر آر او آفس میں دھاندلی کی گئی،خواجہ آصف کے حلقے کا وزٹ کر کے آنے والے بتاتے تھے کہ ماں جی آپ جیت رہی ہیں 90 فیصد ووٹ لوگ آپ کو دے رہے ہیں،میرا سیاست سے کوئی تعلق نہیں، میرا گھر توڑا گیا، میری چادر اتاری گئی،میرے پاؤں پر شیشے مارے گئے،خواجہ آصف نے ڈی پی او حسن کے ساتھ ملکر مجھ پر ظلم کے پہاڑ توڑ دئیے،میں عوام خاتون تھی مگر خواجہ آصف نے میرے بال کھینچوائے مری چادر اتروائی،میں نے خوف کے بت توڑ دیے ! اور اکیلی ماں بچوں کے بغیر باہر نکل آئی اور لاکھوں سیالکوٹ کے بہادر بیٹے بیٹیوں نے میرا ساتھ دیا.میں دوبارہ الیکشن لڑنے کیلئے بھی تیار ہوں،میں نے قرآن پر ہاتھ رکھ کر کہا کہ میرے پاس اصلی فارم 45 ہیں، آج ایک ماں انصاف کی منتظر ہے،

شاندانہ گلزار کا کہنا تھا کہ اسلام آباد سے ہم نے 3 سیٹیں جیتی تینوں پر ہی ہمارا مینڈیٹ چوری کیا گیا،قومی اسبملی میں دن تین بجے تک ہماری نشیستن 154 تھیں۔ کے پے سے ہم 42 سیٹس پر کامیاب ہوئے لیکن الیکشن کمیشن نے صرف 32 امیدواروں کو کامیاب کیا۔اس الیکشن میں 1.25ملین ووٹ ہمیں صرف کراچی سے ملا،کراچی میں اتنی سیٹس کے باوجود ہماری کوئی کامیابی نہیں ہے،

سیمابیہ طاہر کا کہنا تھا کہ راولپنڈی میں ہمارے چیتے نے این اے 56 سے بھرپور لیڈ لی،بدقسمتی سے چوری کے ماہر حنیف عباسی نے رات 3 بجے ڈاکا ڈالا، ہم نے کراچی سے تمام سیٹیں جیتیں لیکن ہمیں ایک بھی نہ دی گئی، این اے 236 کراچی میں بہت زیادہ ظلم کیا گیا،

دھاندلی واپس کی جائے بصورت دیگر جمہوریت کی یہ موت ہوگی،سلمان اکرم راجہ
سلمان اکرم راجہ کا کہنا تھا کہ فارم 45 کے مطابق جو نتائج انے تھے ان کو مکمل طور پر تبدیل کیا گیا۔آٹھ فروری کی رات میں ان سے جس حد تک دھاندلی ہو سکی کی گئی۔آٹھ فروری کو جو عوام نے ووٹ دیا تھا رات کے اندھیرے میں انکو تبدیل کر دیا گیا۔ الیکشن سے قبل بھی تمام سیکیورٹی کو استعمال کیا گیا ۔سی رات جعلی فارم 45 بنائے گئے،یہ دھاندلی واپس کی جائے بصورت دیگر جمہوریت کی یہ موت ہوگی،ہم سے نشان چھینا گیا،کارکن اٹھائے گئے،سرکاری مشینری ہمارے خلاف استعمال ہوئی،8فروری کو عوام نے گرجدار آواز میں ووٹ دیا،پاکستانی عوام نے ہمارے حق میں فیصلہ دیا،عوام نے مختلف نشانوں پر ووٹ دیکر ہمارا نشان چھیننے کا اقدام فارغ کردیا،اگر جعلی نتیجے بنانے ہیں تو الیکشن کرانے کا کیا فائدہ؟ہمیں تاریخی ووٹ ملا، پاکستانیوں کو مبارکباد پیش کرتا ہوں،

آراو افس کو بند کر کے کسی بھی پی ٹی آئی ایجنٹ کو اندر جانے کی اجازت نہیں دی گئی، ایاز امیر
ایاز امیر کا کہنا تھا کہ پولیس اور انتظامیہ نے آر اوز آفس کو سیل کیا، میرے پاس تمام 45 فارم موجود ہیں اپنے حلقے کے میں نے 1لاکھ 55 ہزار ووٹ لیے، جب نتائج کا اعلان رک گیا تو تمام پریزائڈنگ افسران سے بیگ لیے ہی نہیں گئے، وہ سب ووٹ کے بیگ اپنے ساتھ لے کر کھڑے رہے ان سے کسی نے نہیں لیے، چکوال میں شام 4 بجے پولیس کی جانب سے آر او افس کو بند کیا گیا، آراو افس کو بند کر کے کسی بھی پی ٹی آئی ایجنٹ کو اندر جانے کی اجازت نہیں دی گئی، پولنگ ختم ہونے کے بعد مجھے بھی آر او افس تک رسائی نہیں دی گئی، چکوال این اے 58 سے 8 فروری رات تک میں فارم 45 کے مطابق جیتا تھا، اگلے دن پتہ چلا کہ چکوال این اے 58 سے مجھے ہرادیا گیا،

پی ٹی آئی کی جانب سے نجی ہوٹل میں کانفرنس ،پی ٹی آئی کے مختلف حلقوں سے ہارنے والے امیدواران نے خطاب کیا،سندھ، بلوچستان اور خیبرپختونخواہ سے ہارنے والے مختلف امیدواروں نے بھی خطاب کیا اور کہا کہ رات تک ہم جیت رہے تھے صبح ہوتے ہی پورا سماں بدل دیا گیا،ہمارے پاس تمام فارم 45 موجود ہیں ہم عدالتوں میں موجود ہیں، جیتنے کے نتائج ٹی وی پر چلنے کے بعد ہماری جیت کو ہار میں بدل دیا گیا،

پی ٹی آئی والے کم ازکم علما کے قدموں میں تو بیٹھ گئے،کیپٹن ر صفدر

پی ٹی آئی ،جے یو آئی قیادت کی ملاقات، پیپلز پارٹی، ن لیگ کا ردعمل

"عین”سے عمران،تحریک انصاف میں ابھی بھی "عین” کی مقبولیت جاری

جماعت اسلامی کا تحریک انصاف سے اتحاد سے انکار

نواز شریف کا چوتھی بار وزارت عظمیٰ کا خواب ادھورا، شہباز شریف وزیراعظم نامزد

اگر آزاد کی اکثریت ہے تو حکومت بنا لیں،ہم اپوزیشن میں بیٹھ جائینگے، شہباز شریف

پی ٹی آئی کا وفاق اور پنجاب میں ایم ڈبلیو ایم ،خیبر پختونخوامیں جماعت اسلامی سے اتحاد کا اعلان

نواز شریف چیخ اٹھے مجھے کیوں بلایا،زرداری کی شرط،مولانا کی ضد،ن کی ڈیمانڈ

موبائل بندش سے نتائج تاخیر کا شکار،دھاندلی بھی ہوئی، الیکشن کمیشن کی تصدیق

جہانگیر ترین پارٹی عہدے سے مستعفی،سیاست چھوڑنے کا اعلان

انتخابات میں ناکامی، سراج الحق جماعت اسلامی کے عہدے سے مستعفی

میں آپکے لیڈر کے کرتوت جانتا ہوں،ہم نے ملک جادو ٹونے پر نہیں چلانا، عون چودھری