خاتون کو نوکری کا جھانسہ دیکراجتماعی زیادتی کرڈالی

لاہور: حواکی بیٹوں کے ساتھ ظلم کا سلسلہ ابھی رکا نہیں ، تھما نہیں ایک اور بنت حوا ہوس کے پجاریوں کی درندگی کا بنی شکار، ملزمان نے نوکری کا جھانسہ دیکر اجتماعی زیادتی کا نشانہ بنا ڈالا، پولیس کی روایتی سستی، مقدمہ درج کرلیا لیکن ملزمان تاحال گرفتار نہ ہوسکے۔

پولیس کے مطابق اچھرہ کی رہائشی چار بچوں کی ماں کو ملزم عمران نے نوکری ک جھانسہ دیکر بلایا، متاثرہ خاتون کے مطابق ملزمان نے کیری ڈبہ میں بٹھا کر نشہ آور بوتل پلائی اور نامعلوم جگہ پر لے گئے۔ متاثرہ خاتون کا کہنا تھا کہ تین دن تک ملزم عمران سمیت تین ملزمان اسے زیادتی کا نشانہ بناتے رہے اور تین روز بعد مانگا منڈی مین روڈ پر بے یار و مددگار پھینک دیا۔

نشتر پولیس سٹیشن میں درخواست جمع کرانے پر مقدمہ تو درج کر لیا گیا مگر تاحال کوئی ملزم گرفتار نہ ہو سکا۔یاد رہے کہ یہ کوئی پہلا واقعہ نہیں کہ جس میں نوکری کا جھانسہ دے کر خواتین کی عزتیں لوٹی جاتی ہیں اس سے پہلے کئی واقعات ہوچکے ہیں .لیکن ابھی تک اس پر قابو نہیں پایا جاسکا