شیخوپورہ : نوٹوں کی چمک ،مختلف محکموں کے آفیسران تبادلے رکوانے کیلئے سرگرم ہوگئے

باغی ٹی وی:شیخوپورہ(محمد طلال سے)شیخوپورہ کو کرپٹ سرکاری افسران کی سونے کی چڑیا قرار دیئے جانے کی وجہ ایک بار پھر واضح طور پر سامنے آگئی ہے، ذرائع کے مطابق گزشتہ دنوں شیخوپورہ سے ٹرانسفر کئے جانے والے بعض افسران نے تبادلوں کے احکامات رکوانے کی خاطر ایڑھی چوٹی کا زور لگانا شروع کردیا ہے، مختلف محکموں کے جن افسران کے تبادلے ہوئے ان میں ایم ایس ڈی ایچ کیو ہسپتال شیخوپورہ غلام مصطفی، سی ای او ہیلتھ رائے سمیع اللہ،سی ای اوایجوکیشن شفقت محمود،اے سی شیخوپورہ جمیل احمد،اریگیشن ڈیپارٹمنٹ اپر گوگیرہ کے ہیڈ کلرک شیخ طاہر محمود و دیگر شامل ہیں جن میں اکثریت کو مالی بدعنوانیوں اور کرپشن کے الزامات کی بنیاد پر تبدیل کیا گیا تاہم ان افسران نے تعیناتی کے احکامات کے تحت دیگر اضلاع میں جاکر امور ذمہ داری انجام دینے کی بجائے اپنے تبادلے رکوانے کی جدوجہد شروع کردی ہے اور اسسٹنٹ کمشنرمیاں محمد جمیل اس میں کامیاب بھی ہوئے ہیں جنہوں نے پھر سے بطور اے سی سٹی چارج سنبھال لیا ہے۔