آل پاکستان آئل ملز ایسوسی ایشن کی ہڑتال چوتھے دن بھی جاری رہی. یہ ہڑتال حکومت کی جانب سے ٹیکسوں کی بھرمار کے خلاف کی جارہی ہے.
باغی ٹی وی کی رپورٹ کے مطابق آل پاکستان آئل ملز ایسوسی ایشن کا کہنا ہے کہ اللہ کا شکر ہے کہ ان کی ہڑتال بہت زیادہ کامیاب رہی ہے۔ آئل ملز ایسوسی ایشن کے عہدیداران کا کہنا ہے کہ ہم سندھ کی کاٹن فیکڑیز کے بھی مشکور ہیں کہ انہوں نے آج سے پھٹی کی خریداری بند کر دی ہے ۔ جو پھٹی فیکٹری میں تھی وہ تو جینگ کرنا مجبوری تھی ۔آج بہت گاڑیاں واپس گئ ہیں اگر اسی طرح ممبران قائم رہے اور پھٹی واپس گئ تو امید ہے کہ حکومت ٹیکس واپس لینے پر مجبور ہو جائے گی.
آل پاکستان آئل ملز ایسوسی ایشن کی جانب سے ہڑتال کے بعد ایک اندازے کے مطابق تقریبا 12 سو سے فیکٹریاں بند ہوئی ہیں. اگر یہ ہڑتال جاری رہتی ہے تو مارکیٹ میں گھی کی کمی ہو گی اور اس کی قیمت میں مزید اضافہ کا خدشہ ہے. آل پاکستان آئل ملز ایسوسی ایشن کی جانب سے سبھی ممبران سے کہا گیا ہے کہ وہ ثابت قدم رہیں کیونکہ آج ہم تھوڑا نقصان برداشت کر لیتے ہیں تو کل کو بڑے نقصان سے بچ جائیں گے.
سب ممبران ثابت قدم رہیں یہ تھوڑا سا فائدہ ہے بعد والا نقصان بہت بڑا ہے