ملکی معیشت کے لیے اچھی خبر ، جاری کھاتوں کے خسارے میں 32 فیصد کمی

اسلام آباد:پاکستانی معیشت کے لیے اچھی خبریں آنا شروع ہوگئی ہیں .یہ بہتری ملک کے جاری کھاتوں کے خسارے میں کمی سے متعلق ہیں، مالی سال دوہزاراٹھارہ میں جاری ملکی کھاتوں کےخسارےمیں بتیس فیصدکمی ریکارڈکی گئی، مالی سال دوہزار اٹھارہ کی ابتدا میں یہ تاریخ کی بلند ترین سطح بیس ارب ڈالر کو تک جاپہنچاتھا۔

ادارہ شماریات کےمطابق جاری کھاتوں کےخسارےمیں اکتیس اعشاریہ سات فیصدجبکہ تجارتی خسارےمیں گیارہ فیصدکی کمی ریکارڈ کی گئی۔

ذرائع کے مطابق گزشتہ مالی سال جاری خسارےکاحجم تیرہ ارب اٹھاون کروڑستر لاکھ ڈالررہاجوکہ مالی سال دوہزاراٹھارہ میں بیس ارب ڈالرتھا۔تیس جون کوختم ہونےوالےمالی سال میں تجارتی خسارےکاحجم اٹھائیس ارب بائیس کروڑ ڈالررہاجوکہ مالی سال دوہزاراٹھارہ میں اکتیس ارب بیاسی کروڑڈالرتھا۔

جاری کیے گئے اعدادوشمارکےمطابق رواں مالی سال ترسیلات زردس فیصد اضافے کےساتھ اکیس ارب چوراسی کروڑ ڈالر رہیں۔جاری کھاتوں کا خسارہ جی ڈی پی کا چار اعشاریہ آٹھ فیصد ہوگیا ہے۔

Comments