ون ڈیزل کے بیٹے ’ فاسٹ اینڈ فیوریس‘ سے اداکاری میں ڈیبیو کریں گے

ہالی ووڈ فلم’ فاسٹ اینڈ فیوریس 9‘ میں مرکزی کردار نبھانے والے اداکار ون ڈیزل کے بیٹے بھی اس بار والد کے ساتھ فلم میں اداکاری کرتے ہوئے ہالی ووڈ میں ڈیبیو کریں گے۔

باغی ٹی وی : غیر ملکی میڈیا کے مطابق اداکار ون ڈیزل کے بیٹے10 سالہ ونسنٹ فلم میں اداکاری کرتے نظر آئیں گے ان کے کنٹریکٹ میں سامنے آنے والی تفصیلات کے مطابق ونسنٹ کو ایک ہزار5 ڈالر فی دن معاوضہ بھی دیا گیا جبکہ انہیں فلم میں کتنا ٹائم اسکرین پر دکھایا جائے گا اسکی تفصیلات سامنے نہیں آئی ہیں۔

دنیا بھر میں شائقین ’ فاسٹ اینڈ فیوریس نو ‘ کا بےصبری سے انتظار کر رہے ہیں لیکن یہ انتظار 25 جون کو ختم ہوگا جب فلم نمائش کے لئے پیش کی جائے گی۔

واضح رہے ’فاسٹ اینڈ فیوریس 9‘ کی ریلیز کورونا وائرس کی وجہ سے کئی بار ملتوی کی جاچکی ہے۔