این جی اوز کے گرد گھیرا تنگ ، کہاں سے امداد لی اور کہاں غائب کی ؟ تحقیقات شروع

لاہور : پاکستان میں این جی اوز نے جس طرح لوٹ مچا رکھی تھی اور موجودہ حکومت نے ان این جی اوز کے گرد کس طرح گھیرا تنگ کیا یہ تو سب جانتے ہیں . لیکن تازہ ترین اطلاعات کے مطابق این جی اوزکی فنڈنگ اورسرگرمیوں کی تحقیقات کا فیصلہ کرلیا گیا،پنجاب کی تمام این جی اوزکافنانشل آڈٹ کرایاجائےگا، محکمہ داخلہ پنجاب نےاحکامات جاری کردیے۔

محکمہ داخلہ پنجاب کے ذرائع کے مطابق پنجاب بھر کی این جی اوز کا فوری فنانشل آڈٹ کرانے کا حکم دے دیا گیا ہے ،این جی اوزکےفنانشل آڈٹ کےدوران فنڈنگ کوچیک کیاجائیگا،ملک دشمن سرگرمیوں میں ملوث این جی اوزکےکیسزسی ٹی ڈی کوبھجوائےجائیں گے۔

دوسری طرف ان این جی اوز کی طرف سے ملک دشمنی کی رپورٹس کی تصدیق کے بعد محکمہ داخلہ پنجاب کا کہناتھا کہ سی ٹی ڈی ملک دشمن این جی اوز کےخلاف مقدمات درج کرےگا، اور ان کے خلاف قانون کے مطابق کارروائی عمل میں لائی جائے گی۔