چیئرمین سینٹ کو ہٹانا اپوزیشن کے بس میں ہی نہیں:عثمان بزداربھی بول اٹھے

لاہور:اپوزیشن میں صادق سنجرانی کو چیئرمین سینٹ کے عہدے سے ہٹانے کا دم خم نہیں ہے۔ وزیراعلی پنجاب سردار عثمان بزدار کا کہنا ہے کہ تحریک انصاف چیئرمین سینیٹ صادق سنجرانی کے ساتھ تھی اور رہے گی.

عثمان بزدار نے میڈیا سے گفتگو رکتے ہوئے کہا کہ چیئرمین سینٹ صادق سنجرانی کیخلاف تحریک عدم اعتماد پراپوزیشن جماعتوں کو منہ کی کھانا پڑیگی،عثمان بزدار کا کہنا تھا کہ جمہوری ملکوں میں اپوزیشن کاکردار انتہائی اہم ہوتا ہے،مگر بدقسمتی سے پاکستان میں اپوزیشن جماعتوں نے ہرموقع پر منفی سیاست کو پروان چڑھایا،

عثمان بزدار نے میڈیا سے بات کرتے ہوئے کہا کہ اپوزیشن جماعتوں کو منفی ہتھکنڈوں سے توبہ کر لینی چاہئے،انتشاراور فراتفری کی سیاست کی علمبرداراپوزیشن جماعتیں ذاتی ایجنڈے لیکرچل رہی ہیں۔ انہوں نے مزید کہا کہ چیئرمین سینیٹ صادق سنجرانی کوایوان کی اکثریت کی حمایت حاصل ہے،تحریک عدم اعتماد کی ناکامی نوشتہ دیوار ہے۔