اپوزیشن لیڈر گرفتار ، حکومت نے وارننگ جاری کردی

ماسکو: روس میں سیاسی افراتفری جاری ، اطلاعات کے مطابق روس میں اپوزیشن لیڈر کو دارالحکومت ماسکو میں غیر قانونی مظاہروں کے الزام میں حراست میں لے لیا گیا۔

اپوزیشن لیڈر لیوبوف سوبول ریلی میں شرکت کے لیے ٹیکسی میں سوار تھیں کہ پولیس نے انہیں حراست میں لے کر پولیس وین میں منتقل کردیا۔پولیس نے مظاہرے میں شرکت کے لیے آنے والے 33 افراد کو ماسکو سے گرفتار کرلیا جب کہ پولیس نے مظاہرین کو احتجاج سے باز رہنے کی بھی وارننگ دی ہے

ماسکو کے شہری انتخابات میں اپوزیشن کے امیدواروں کو نااہل قرار دیے جانے کے بعد روس کے دارالحکومت میں مظاہرین جمع ہیں۔اپوزیشن لیڈر سوبول انتخابات کے لیے نااہل قرار دیے گئے امیدواروں میں شامل ہیں اور وہ 21 روز سے بھوک ہڑتال پر ہیں۔