شُترمُرغ کے 4000 سال قدیم انڈے دریافت

تل ابیب: ماہرین کو 4000 سال سے زائد پُرانا شترمرغ کا انڈہ ملا ہے-

باغی ٹی وی : اسرائیل کے محکمہ آثار کے مطابق ریگستانی علاقے نگیوو میں ایک مقام پر شترمرغ کے ہزاروں برس قدیم انڈوں کی باقیات ملی ہیں اور اس کے پاس ہی آگ لگانے کے لیے بنایا جانے والا ایک گڑھا بھی ملا ہے۔

ایمیزون جنگلات کی تباہی سے ہمالیہ اورانٹارکٹک کی برف میں بھی کمی ہوسکتی ہے

ماہرین کا خیال ہے کہ یہاں انسانوں نے عارضی پڑاؤ کیا تھا جو 200 مربع میٹر وسیع تھا یہاں سے گزرنے والے خانہ بدوشوں نے شترمرغ کے انڈوں کو پکا کر کھایا ہوگا کیونکہ ساتھ ہی آگ سے جھلسے ہوئے چھوٹے بڑے پتھر بھی ملے ہیں علاوہ ازیں شترمرغ کےشکستہ انڈے بھی پائے گئے ہیں جو سب سے اہم دریافت ہے انسانی تاریخ میں شترمرغ کے انڈے کے یہ قدیم ترین آثار ہیں۔

ماہرین کا کہنا ہے کہ یہاں سے کوچ کرنے کے بعد ریگستانی مٹی نے تھوڑے ہی عرصے میں پوری جگہ پرایک دبیز چادر کی شکل اختیار کرلی تھی اور اب ہزاروں سال بعد اسے ماہرین نے دوبارہ دریافت کیا ہے-

جنوب مغربی امریکہ کی آب و ہوا مسلسل گرم اور خشک،بوٹانیکل گارڈن تتلیوں کے لیےبہترین…

کھدائی کے ڈائریکٹر لارین ڈیوس نے کہا کہ ماہرین آثار قدیمہ نے پتھر کے اوزار اور مٹی کے برتنوں کے ٹکڑوں کا بھی پتہ لگایا، لیکن یہ کہ انڈے "واقعی خاص تلاش” تھے،19ویں صدی تک اس علاقے میں جنگلی شتر مرغ عام تھے۔

ماہرین کا خیال ہے کہ اس خطے میں شترمرغ اسی طرح عام تھے جیسے آج گائے اور دیگر جانور پائے جاتے ہیں انیسویں صدی کے اوائل میں شترمرغ یہاں سے غائب ہوگئے تھے بعض انڈے بہت اچھی حالت میں ہیں جن کا بغورمطالعہ کیا جائے گا۔

دوسری جانب قدیم انسانی حیات میں شترمرغ اور ان کے انڈوں کی اہمیت بھی سامنے آئی ہے۔ شترمرغ کے ایک انڈے میں مرغی کے 25 انڈوں کے برابر غذائیت ہوتی ہے پھر اس میں زائد سفیدی اور زردی کی وجہ سے لوگ اسے پسند کیا کرتےہوں گے علاوہ ازیں انڈے کے خول کو آرائش اور دیگر امور میں بھی استعمال کیا جاتا تھا۔


واضح رہے کہ عموماً آثارِ قدیمہ سے انڈے نہیں ملتے اور یوں یہ ایک اہم دریافت ہے۔

ماہرین فلکیات کا زمین کےمدارمیں گردش کرتےسیٹلائٹس پرگہری تشویش کا اظہار