اوورسیزپاکستانیوں کی عمران خان کوبڑی فکررہتی ہے:شاہ محمود قریشی

اسلام آباد:اوورسیزپاکستانیوں کی عمران خان کوبڑی فکررہتی ہے:شاہ محمود قریشی ،اطلاعات کے مطابق چیئرمین ،پاکستان۔ یورپی یونین فرینڈشپ فیڈریشن،چودھری پرویز اقبال لوسر کی وزارتِ خارجہ میں وزیر خارجہ مخدوم شاہ محمود قریشی سے ملاقات ہوئی ہے ، اس ملاقات کےدوران شاہ محمود قریشی نے اوورسیز پاکستانیوں کےحوالے سے وزیراعظم کی طبیعت اورکیفیت کو بیان کیاہے

باغی ٹی وی ذرائع کے مطابق دوران ملاقات بیرون ملک مقیم پاکستانیوں کی صورتحال سمیت باہمی دلچسپی کے امور پر تبادلہ خیال کیا گیا

شاہ محمود قریشی نے اس موقع پر کہاکہ اوورسیز پاکستانی، بیرونی ممالک میں ملکی مفادات کے امین ہیں۔

مخدوم شاہ محمود قریشی نے کہاکہ یورپی ممالک میں پاکستانیوں کی کثیر تعداد مقیم ہے – میری خصوصی ہدایات پر، دنیا بھر میں ہمارے سفارت خانے، بیرون ملک مقیم پاکستانیوں کی فلاح و بہبود اور ان کو درپیش مسائل کے فوری حل کیلئے کوشاں ہیں

اس موقع پر پرویز اقبال لوسر نے وزیر خارجہ کو پاک- ای یو فرینڈشپ فیڈریشن کی کارکردگی کے حوالے سے مفصل بریفنگ دی

چیئرمین پاک- ای – یو، فرینڈشپ فیڈریشن پرویز اقبال لوسر نے کرونا عالمی وبائی چیلنج کے دوران محدود وسائل کے باوجود اوورسیز پاکستانیوں کی معاونت کیلئے وزارتِ خارجہ اور پاکستانی سفارت خانوں کی کاوشوں کی تعریف کی اور وزیر خارجہ مخدوم شاہ محمود قریشی کا شکریہ ادا کیا

وزیر خارجہ نے یورپی ممالک میں پاکستانی کمیونٹی کی فلاح و بہبود کیلئے پرویز اقبال لوسر کی خدمات کو سراہا