پاکستان میں سورج گرہن جاری ، براہ راست دیکھنے سے احتیاط کیا جائے

پاکستان میں سورج گرہن جاری ، براہ راست دیکھنے سے احتیاط کیا جائے

باغی ٹی وی رپورٹ پاکستان میں سورج کو گرہن لگ گیا، صبح 7 بج کر 30 منٹ پر شروع ہونیوالا گرہن 5 گھنٹے تک جاری رہے گا، کراچی کی مختلف مساجد میں سورج گرہن کے دوران نماز کسوف بھی ادا کی گئی۔
پاکستان میں آغاز کراچی سے صبح 7 بج کر 37 منٹ پر ہوا، کراچی میں 8 بج کر 58 منٹ پرسورج گرہن کو واضح طور پردیکھا گیا، شہر قائد میں سورج گرہن کا دورانیہ 2 گھنٹے اور 32 منٹ پر مشتمل تھا، حیرت انگیز نظارہ 2 گھنٹے 40 منٹ تک جاری رہا۔
محکمہ موسمیات کے مطابق سورج گرہن کے وقت جزوی طور پر اندھیرا چھائے جائے گا۔ یہ رواں سال کا تیسرا سورج گرہن ہوگا جسے پاکستان میں بھی دیکھا جاسکے گا۔

محکمہ موسمیات نے کہا ہے کہ احتیاطی تدابیر کے طور پرسورج گرہن کو چشمہ لگا کر دیکھا جائے۔ سورج گرہن کو بنا چشمے کے دیکھنے سے بینائی پر منفی اثرات پڑتے ہیں۔ سورج گرہن کو دیکھنے کے لیے مخصوص چشمہ یا ایکسرے فلم استعمال کرنے کریں.

رواں سال کا پہلا سورج گرہن جنوری جبکہ دوسرا جولائی کی رات کو ہواتھاجسے پاکستان میں نہیں دیکھا جا سکا تھا۔