میانوالی کے قریب پاک فضائیہ کا تربیتی طیارہ گر کر تباہ ہو گیا-
باغی ٹی وی : ترجمان پاک فضائیہ کے مطابق پاک فضائیہ کا تربیتی طیارہ معمول کے ٹریننگ مشن کے دوران میانوالی کے قریب گر کر تباہ ہوگیا حادثے میں پائلٹ محفوظ رہا پائلٹ پیراشوٹ کے ذریعے زمین پر اترنے میں کامیاب رہا-
ترجمان پاک فضائیہ کے مطابق زمین پر کسی جانی و مالی نقصان کی اطلاع نہیں ملی۔ ائیر ہیڈ کوارٹرز نے واقعے کی وجوہات جاننے کے لیے بورڈ آف انکوائری تشکیل دے دیا ہے۔
ایران میں ایف 7 لڑاکا طیارہ گرکر تباہ،2 پائلٹ ہلاک
واضح رہے کہ گزشتہ روز ایران میں ایف 7 لڑاکا طیارہ گرکر تباہ ہو گیا جس کے نتیجے میں 2 پائلٹ ہلاک ہو گئے تھے ایران کی سرکاری ائرنا نیوز ایجنسی نے رپورٹ کیا تھا کہ F7 لڑاکا طیارہ منگل کو اصفہان شہر سے 200 کلومیٹر (124 میل) مشرق میں انارک کے قریب گر کر تباہ ہو گیا جس میں دو ایرانی پائلٹ ہلاک ہو گئے-
ماہرین کا کہنا تھا کہ ایران کا فضائی تحفظ کا ریکارڈ خراب ہے، بار بار کریش ہونے کے ساتھ، بہت سے ہوائی جہاز 1979 کے اسلامی انقلاب سے پہلے خریدے گئے تھے اور دیکھ بھال کے لیے اسپیئر پارٹس کی کمی تھی۔
