اوچ شریف :پاک فوج ہماری نظریاتی سرحدوں کی محافظ ہے – میاں رافت رحمانی

اوچ شریف باغی ٹی وی ( نامہ نگار۔حبیب خان)پاک فوج ہماری نظریاتی سرحدوں کی محافظ ہے ۔پاک فوج یا کسی بھی پاکستانی ادارے کو تقسیم کرنے کی سہولت میں یہودی سازش کامیاب نہیں ہوسکتی ۔پاک فوج کی وجہ سے ہی ہم محفوظ ہیں ان خیالات کا اظہار میاں رافت الرحمن رحمانی سیال امیدوار صوبائی اسمبلی نے جناح حال احمد پور شرقیہ میں سماجی ادارہ گریٹ پاکستان لورز ویلفیئر سوسائٹی رجسٹرڈ ۔کے زیر اہتمام بہاولپور ٹیچر یونین محکمہ تعلیم اور میڈیا کلب کے اشتراک سے منعقدہ ایک روزہ سیمینار بعنوان پیغام پاکستان سے بطور مہمان خصوصی خطاب کرتے ہوئے کیا قبل ازیں ڈپٹی ڈسٹرکٹ آفیسر ایجوکیشن عبدالرؤف سپرا نے کہا کہ طلبہ کی کردار سازی میں پاک فوج کا کردار ایک مسلمہ حقیقت ہے ۔نظامت کے فرائض جنرل سیکریٹری جان محمد چوہان نے ادا کیے بہاولپور ٹیچر یونین کے رہنما جاوید محمود بھٹی اور محمد شعیب بھٹی نے بھی خطاب کیا منتظم اعلی تنظیم کے صدر شیخ عزیز الرحمان نے اپنے خطاب میں کہا کہ پاک فوج ہمارا فخر ہے اور اس پر ہماری جان بھی قربان ہے ۔بار ایسوسی ایشن احمدپورشرقیہ کے سینئر نائب صدر ملک نسیم اعجاز مسن مرکزی انجمن تاجران کے سیکریٹری جنرل آفتاب احمد خان ڈاہر جمیعت اہلحدیث کے ضلعی ناظم اعلی محمد اشفاق سلفی سابق کونسلر محمد آصف گوندل معروف عالم دین مولانا فیضان علی حیدر ۔اہل تشیع رہنما سید منور عباس نقوی سینئر صحافی اظہرعلی دانش جمیعت علماء اسلام نظریاتی کے مرکزی نائب ناظم اعلی قاری محمد اکمل ندیم ۔معروف شاعر اور ادبی تنظیم کے سربراہ جاوید احمد مغل جنرل سیکریٹری میڈیا کلب سید آصف حسین بخاری جنرل سیکرٹری پریس کلب مکی حیدر جلوآنہ اور سماجی رہنما علی رضا کاظمی مہر طارق سیال ۔نے بھی خطاب کیا اس سیمینار میں مختلف سکولوں کے بچوں نے نظریہ پاکستان پر خصوصی لیکچر دیا اور بعد میں پاکستان زندہ باد کے نعرے لگائے طلبہ نے عہد کیا کہ وہ کسی بھی سیاسی تنظیم کے الہ کار نہیں بنیں گے اور صرف اور صرف نظریہ پاکستان اور مستحکم پاکستان کے لیے اپنا مستقبل میں کام کریں گے ۔شرکاء نے پاکستان زندہ باد اور پاک فوج زندہ باد کے نعرے لگائے