سعد فاروق
نیول چیف ایڈمرل نوید اشرف نے نیوی وار کالج کے کانووکیشن سے خطاب کرتے ہوئے کہا کہ پاک بھارت حالیہ کشیدگی جنگ کے انداز میں تبدیلی کی عکاس ہے، موجودہ حالات میں روایتی جنگی حکمت عملیوں میں رد و بدل ناگزیر ہو چکا ہے۔
آئی ایس پی آر کے مطابق پاکستان نیوی وار کالج کے 54 ویں کانووکیشن کی تقریب لاہور میں منعقد ہوئی، جس میں چیف آف نیول اسٹاف ایڈمرل نوید اشرف نے مہمان خصوصی کی حیثیت سے شرکت کی۔تقریب میں مجموعی طور پر 118 افسران کو تعلیمی اسناد دی گئیں، جن میں دوست ممالک کے 44 افسران بھی شامل تھے۔اپنے خطاب میں ایڈمرل نوید اشرف نے ابھرتے ہوئے خطرات کی بہتر تفہیم پر زور دیا اور کہا کہ غیر ریاستی عناصر کی شمولیت کے باعث روایتی جنگی نظریات میں بنیادی تبدیلیاں لانا ناگزیر ہو چکی ہیں۔
آئی ایس پی آر کے مطابق کانووکیشن کے اختتام پر نیول چیف نے کامیابی سے گریجویشن مکمل کرنے والے افسران میں ڈگریاں تقسیم کیں۔ اس موقع پر اعلیٰ فوجی افسران، شہری معززین اور گریجویٹس کے اہلخانہ بھی موجود تھے۔
روس اور یوکرین کے درمیان سب سے بڑا قیدیوں کا تبادلہ، 390 افراد رہا
بھارتیہوں نےپاکستان سے جنگی شکست کا غصہ مٹھائیوں پر اتار دیا
ایف آئی اے کی کارروائی: انسانی اسمگلنگ میں ملوث 4 بدنام زمانہ ملزمان گرفتار
پی ٹی اے اور سائبر کرائم ایجنسی کا کلون شدہ موبائل فونز کے خلاف کریک ڈاؤن، 6 افراد گرفتار
