پاک، چین ایک خاندان؛ سی پیک کو محبت اور تعلقات کی راہداری بنایا جائے گا. چینی سفیر

چین کے سفیر جیانگ ژائی ڈانگ نے کہا ہے کہ پاکستان اور چین ایک فیملی کی طرح ہیں اور سی پیک کو محبت اور تعلقات کی راہداری بنایا جائے گا، اب سی پیک میں نئے باب کا اضافہ ہونے جارہا ہے۔ نگراں وفاقی وزیر اطلاعات مرتضیٰ سولنگی نے کہا کہ وزیراعظم جلد چین کا دورہ کریں گے جبکہ نجی ٹی وی سے بات کرتے ہوئے نئے چینی سفیر جیانگ ژائی ڈانگ نے پہلا انٹرویو دیا جس میں انہوں نے کہا کہ چین اور پاکستان ایک ٹیم کی طرح ہیں اور ایک ساتھ آگے بڑھیں گے۔

جبکہ چینی سفیر کا کہنا تھا کہ دس سال میں سی پیک کو مکمل کامیابی ملی، سی پیک روشن مستقبل کی نوید ہے جبکہ سی پیک میں نئے باب کا اضافہ کیا جائے گا۔ سی پیک کو محبت اور تعلقات کی راہداری بنایا جائے گا اور جیانگ ژائی ڈانگ نے کہا ہے کہ سکیورٹی اور ترقی کے شعبوں میں تعاون جاری ہے، آئی ٹی، زراعت، صنعت کے شعبوں میں تعاون بڑھائیں گے۔

مزید یہ بھی پڑھیں؛
ورلڈ کپ؛ پاک بھارت ٹیمیں کل احمد آباد کے نریندرا مودی اسٹیڈیم میں مدمقابل ہوں گی
ہم نے ریاست کو بچانے کے لیے اپنی سیاست کا نقصان کیا. شہباز شریف
سینیٹ قائمہ کمیٹی برائے انسانی حقوق نے غزہ پر اسرائیلی جارحیت کے خلاف مذمتی قرارداد
حماس کے حملے کی تعریف کرنے پر اسرائیلی بچہ گرفتار
شہر چھوڑ دیں،جب تک کہا نہ جائے، کوئی واپس نہ آئے، اسرائیل نے غزہ میں پمفلٹ گرا دیئے
علاوہ ازیں نگراں وفاقی وزیر اطلاعات مرتضیٰ سولنگی نے پاک چین بارے کہا کہ پاکستان اور چین کے تعلقات سدا بہار ہیں جبکہ پاکستان اور چین کے تعلقات میں کبھی اتار چڑھاؤ نہیں آیا جبکہ انہوں نے کہا کہ پاک چین تعلقات کی خوبصورت تاریخ ہے، بیلٹ اور روڈ منصوبہ خوشحالی کا راستہ ہے اور مرتضیٰ سولنگی نے کہا کہ نگراں وزیراعظم جلد چین کا دورہ کریں گے، جس میں سی پیک کے نئے باب کا آغاز ہوگا۔ تاہم خیال رہے کہ سیکرٹری خارجہ سائرس قاضی نے نجی ٹی وی سے گفتگو کرتے ہوئے کہا کہ دنیا میں نئےاتحاد اور پالیسیاں بن رہی ہیں، پاک چین دوستی حکومت اور عوام کی سطح پر ہے، اور انہوں نے کہا کہ پاکستان اور چین دونوں ایک دوسرےکی نیک نیتی پر یقین رکھتے ہیں، دونوں ممالک ایک دوسرے کو مضبوط کرتے ہیں۔