پاک-ڈنمارک کا انرجی اجلاس منعقد

پاک-ڈنمارک کا انرجی اجلاس منعقد ہوا جس میں وزارتِ توانائی کا اعلامیہ ہوا جس میں توانائی کے شعبے میں تعاون بڑھانے کیلئے پاک ڈنمارک کا مشترکہ اجلاس وزیر توانائی عمر ایوب خان اور ڈینش سفیر کی صدارت میں ہوا۔ اجلاس میں ڈنمارک کی انرجی ٹیکنیکل ٹیم نے پاکستان میں قابل تجدید توانائی کے شعبے میں تعاون بڑھانے پر رپورٹ پیش کی۔ رپورٹ کی روشنی میں پاک ڈنمارک کا مشترکہ ورکنگ گروپ تشکیل دیا گیا۔ عمر ایوب کا کہنا تھا کہ ڈنمارک کیطرف سے توانائی کے شعبے میں جی ٹو جی تعاون کے اقدام کو سراہتے ہیں اور چاہتے ہیں کہ ڈنمارک مقامی سطح پر ونڈ ٹربائن اور سولر پینل کی مینوفکچرنگ میں تعاون کرے۔ ہماری حکومت توانائی شعبے کی ترقی کے لئے نمایاں کام کر رہی ہے۔ پاکستان کی توانائی مارکیٹ کو وسعت دے رہے ہیں۔ حکومت بجلی کی کم لاگت پیداوار اور ٹرانسمیشن سسٹم پر کام کر رہی ہے۔ ڈینش سفیر کا اس موقع پر کہنا تھا کہ ڈنمارک، پاکستان کے ساتھ برابری کی بنیاد پر پارٹنر شپ کا خواہاں ہے اور ڈنمارک مشترکہ ورکنگ گروپ کے ذریعے پالیسی اور آپریشنل سطح پر تجربے کا تبادلہ کیا جائے گا۔