پاک فوج اور سعودی بری فوج کے دستوں کے درمیان عسکری مشقوں کا انعقاد
باغی ٹی وی رپورٹ کے مطابق :شاہی سعودی بری فوج اور پاک فوج کے دستوں کے درمیان سعودی عرب کے شہر حفر البطان میں مشقوں آغاز ہوا۔ شاہی سعودی بری فوج ، شمالی علاقہ کے کمانڈر ، میجر جنرل صالح بن احمد الزہرانی نے افتتاحی تقریب کی مہمان خصوصی کی حیثیت سے شرکت کی۔
مشترکہ مشق سمسام VII ، دہشت گردی کے خلاف کارروائیوں پر توجہ مرکوز کرے گا جس میں کارڈن اور سرچ آپریشنز ، جنگی گشت اور IEDs سے متعلق آپریشن شامل ہیں.
مشق "السمسام VII” سعودی فورسز اور پاک فوج کے مابین جاری دوطرفہ فوجی مشقوں کا ایک سلسلہ ہے۔ یہ شریک فوجیوں کو اپنے آپریشنل طریقوں اور طریقہ کار کو بینچ مارک کرنے کے ساتھ ساتھ ایک دوسرے کے تجربات سے سیکھنے کا موقع فراہم کرتا ہے۔
دونوں ممالک کے درمیان عسکری لحاظ سے بھی گہرے تعلقات استوار ہیں۔ اسی سلسلے میں سعودی عرب اور پاکستانی افواج کی مشترکہ بری مشقوں کا آغاز ہو گیا ہے۔ دونوں ممالک کی افواج نے جمعرات کو حفر الباطن میں ’الصمصام 7‘مشقوں کا آغاز کردیا۔ یہ مشقیں ’شمال 2‘ میدان میں کی جارہی ہیں۔سعودی وزارت دفاع کی جانب سے بتایا گیا ہے کہ یہ مشقیں افواج کی جنگی مہارت و قابلیت کا معیار مزید بلند کرنے کے لیے کی جارہی ہیں۔
فوجی مشقوں کے کمانڈر میجر جنرل اسٹاف منصور بن عبداللہ القرنی نے افتتاحی تقریب سے خطاب کے دوران کہا کہ یہ مشقیں سعودی بری افواج اور برادر و دوست ممالک کی افواج کے درمیان مشترکہ مشقوں کے سلسلے کی ایک کڑی ہے۔ ان ممالک میں پاکستان شامل ہے
