پاک فوج کی قربانیوں کو سلام پیش کرتے ہیں، فردوس عاشق اعوان

پاک فوج کی قربانیوں کو سلام پیش کرتے ہیں، فردوس عاشق اعوان

باغی ٹی وی رپورٹ کے مطابق فردوس عاشق اعوان نے کہا ہے کہ لائن آف کنٹرول پر معصوم شہریوں کو نشانہ بنانا بھارتی فوج کی سفاکی کو ظاہر کرتا ہے، پاک فوج کی قربانیوں کو سلام پیش کرتے ہیں۔
معاون خصوصی برائے اطلاعات و نشریات فردوس عاشق اعوان نے ٹویٹر پر اپنے پیغام میں کہا کہ لائن آف کنٹرول پر بسنے والے بہادر عوام کو خراج تحسین پیش کرتے ہیں، یہ دفاع وطن کیلئے اپنی مسلح افواج کے ساتھ شانہ بشانہ سینہ سپر ہیں، کابینہ کا لائن آف کنٹرول پر رہنے والے افراد کیلئے خصوصی پیکیج ان خاندانوں کی فلاح میں معاون ثابت ہو گا، متاثرہ افراد کے زخموں پر مرہم رکھنا وزیراعظم عمران خان کے پر خلوص احساس کا مظاہرہ ہے۔
وضح‌رہے کہ آئی ایس پی آر کے مطابق دیوا سیکٹر میں بھارتی فوج کی جانب سے بلااشتعال فائرنگ کی گئی جس میں پاک فوج کے نائب صوبیدار قنڈیرو اور سپاہی احسان شہید ہوگئے۔

پاک فوج نے حاجی پیر سیکٹر میں بھرپور جواب دیتے ہوئے بھارتی چیک پوسٹ کو نشانہ بناتے ہوئے اسے تباہ کر دیا، اس میں بھارتی فوج کے صوبیدار سمیت 3 اہلکار ہلاک ہوئے جبکہ متعدد زخمی ہوئے، بھارت 36 گھنٹے سے مسلسل جنگ بندی معاہدے کی خلاف ورزی کر رہا ہے۔