پاکستان کا رواں ہفتے ایف اے ٹی ایف کی گرے لسٹ سے نکلنے کا امکان ہے

پاکستان رواں ہفتے ایف اے ٹی ایف کی گرے لسٹ سے نکلنے کا امکان ہے

فنانشل ایکشن ٹاسک فورس کی گرے لسٹ میں تقریباً 52 ماہ شامل رہنے کے بعد رواں ہفتے پاکستان کا نام بالآخر اس فہرست سے نکالے جانے کا امکان ہے۔ میڈیا رپورٹس کے مطابق اگلے ہفتے میں ایف اے ٹی ایف کے ورکنگ گروپ اور پلنری اجلاس پیرس میں ہوں گے۔ اجلاس کے فیصلوں کا اعلان 21 اکتوبر کو کیا جائے گا۔ فنانشل ایکشن ٹاسک فورس کے اجلاس میں کیے جانے والے فیصلے کا اعلان پاکستانی وقت کے مطابق 21 اکتوبر کورات 8 بجے کیا جائے گا۔

اجلاس میں 206 رکنی گلوبل نیٹ ورک اور آبزرور آرگنائزیشنز کے نمائندے شریک ہوں گے۔ آئی ایم ایف،عالمی بینک،یو این اور فنانشل انٹیلی جنس یونٹ کے نمائندے شریک ہوں گے۔ ایف اے ٹی ایف کے صدر راجہ کمار کی سربراہی میں ایف اے ٹی ایف کا یہ پہلا اجلاس ہوگا۔ وزیر اعظم آفس کے مطابق پاکستان کا ایف اے ٹی ایف کی گرے لسٹ سے نکلنے کا امکان ہے۔ پاکستان کا نام گرے لسٹ سے نکلنے میں کوئی رکاوٹ باقی نہیں رہی۔ پاکستان ایف اے ٹی ایف کے دونوں ایکشن پلانز پر مکمل درآمد کرچکا ہے۔ پاکستان نے دو مختلف ایکشن پلانز کےتحت 34 نکات پر عمل درآمد کیا۔ پاکستان نے منی لانڈرنگ، دہشت گردوں کی مالی معاونت روکنے کیلئے تمام شرائط پوری کیں۔
مزید یہ بھی پڑھیں؛ آئی ایم ایف اور ورلڈ بینک نے کہا سبسڈیز نہیں دینی چاہئیں. وزیر خزانہ
بنوں:سیکورٹی فورسزکا دہشت گردوں کے خلاف آپریشن:ایک دہشت گرد ہلاک
ڈاکٹرمحمد بن عبدالکریم الیسہ کےدورہ سےپاکستان اورسعودی عرب کے تعلقات مزید مستحکم ہوں گے: طاہراشرفی
ایف اے ٹی ایف وفد نے29 اگست سے 2 ستمبر تک پاکستان کا دورہ کیا۔ وفد نے منی لانڈرنگ، دہشت گردوں کی مالی معاونت روکنے کے اقدامات کا جائزہ لیا۔ وفد نے حکومتی اقدامات کی پائیداری اور ان پر عمل درآمد کا جائزہ لیا۔