پاکستان کی خودمختاری اور سالمیت کی حمایت جاری رکھیں گے،چینی نائب وزیر خارجہ

اسلام آباد:سیکرٹری خارجہ محمد سائرس سجاد قاضی اور پاکستان کے دورے پر موجود چینی نائب وزیر خارجہ سن ویڈونگ نے وزارت خارجہ کا دورہ کیا اور سی پیک لائبریری، منصوبوں کی تصویری نمائش کا افتتاح کیا۔

باغی ٹی وی: وزارت خاجہ کی جانب سے جاری اعلامیہ کے مطابق اس موقع پر چینی نائب وزیر خاجہ نے کہا کہ چین خارجہ پالیسی میں پاکستان کو خصوصی اہمیت دیتا ہے پاکستان کی خودمختاری اور سالمیت کی حمایت جاری رکھیں گے، چین پاکستان کی اقتصادی ترقی کیلئے تعاون کو مزید گہرا کرے گا۔
https://x.com/ForeignOfficePk/status/1748757657744495054?s=20

چینی نائب وزیر خاجہ نے کہا کہ قابل اعتماد دوست کی حیثیت سے چین اپنی خارجہ پالیسی میں پاکستان کو خصوصی اہمیت دیتا ہے اور دونوں ممالک کے درمیان اسٹریٹجک تعلقات کو مزید مضبوط بنانے کا خواہاں ہے-

نائب وزیر خارجہ سن کا پاکستان میں خیرمقدم کرتے ہوئے سیکرٹری خارجہ نے کہا کہ پاک چین دوستی کو پاکستان میں مکمل سیاسی، ادارہ جاتی اور عوامی حمایت حاصل ہے علاقائی امن اور استحکام کے لیے دوطرفہ دوستی کی اہمیت پر زور دیتے ہوئے، انہوں نے تعاون کے تمام شعبوں میں دوطرفہ تعلقات کو مزید وسعت دینے اور مضبوط کرنے کے لیے پاکستان کی تیاری کا اظہار کیا۔
https://x.com/ForeignOfficePk/status/1748721413718991214?s=20
واضح رہے کہ چین کے نائب وزیر خارجہ کل اسلام آباد میں ہونے والے بین الاقوامی تعاون اور رابطہ کاری پر سی پیک کے مشترکہ ورکنگ گروپ کے چوتھے اجلاس میں شرکت کے لی کل شام اسلام آباد پہنچے ، سیکرٹری خارجہ محمد سائرس سجاد قاضی چینی نائب وزیر خارجہ کے ساتھ اجلاس کی مشترکہ صدارت کریں گے۔