پاکستان کی خارجہ پالیسی کا مقصد پوری دنیا میں امن اور باہمی فائدہ مند تعلقات ہے،وزیراعظم

اسلام آباد: نگران وزیراعظم انوارالحق کاکڑ کا کہنا ہے کہ بین الاقوامی سطح پر پاکستان کا امیج ایک مثبت ترقی پسند ملک کے طور پر اجاگر کرنے کی ضرورت ہے، پاکستان کی خارجہ پالیسی کا مقصد پوری دنیا میں امن اور باہمی فائدہ مند تعلقات ہے-

باغی ٹی وی:ترجمان دفترخارجہ کے سفیروں کی تین روزہ کانفرنس آج سے شروع ہوگئی ہے، جس کے پہلے سیشن میں وزیرخارجہ جلیل عباس جیلانی اور وزیراعظم انوارالحق کاکڑ نےبھی اہم خطاب کیا وزیراعظم انوار الحق کاکڑ دفتر خارجہ آئےتو نگراں وزیر خارجہ نےان کا کانفر نس میں خیر مقدم کیا، اور اہم دارالحکومتوں میں تعینات پاکستانی سفیراء سے ان وزیراعظم کا تعارف کرایا۔
https://x.com/ForeignOfficePk/status/1742932846619377737?s=20
ترجمان کے مطابق وزیراعظم نے عالمی تناظر میں حکومتی مؤقف سفرا کے سامنے رکھا اور کہا کہ ہر قیمت پر ملکی مفادات کا تحفظ یقینی بنایا جائے گا برآمدات اورسرمایہ کاری کے فروغ کے لئے کوششیں تیز کی جائیں،بین الاقوامی سطح پر حالیہ اہم تبدیلیوں کے تناظر میں اس کانفرنس کا انعقاد انتہائی اہم اور بر وقت ہے، جس سے پاکستان کی خارجہ پالیسی کو موجودہ دور کے چیلنجز سے نمٹنے کے لیے عملی تجاویز ملیں گی۔

ن لیگ کے لاہور کی 12 نشستوں پر امیدواروں کے نام فائنل،سردار ایاز صادق شامل …

انوار الحق کاکڑ نے کہا کہ خارجہ پالیسی کو جدید تقاضوں سے ہم آہنگ کرنا خوش آئند ہے، بین الاقوامی سطح پر پاکستان کا امیج ایک مثبت ترقی پسند ملک کے طور پر اجاگر کرنے کی ضرورت ہے، پاکستان کی خارجہ پالیسی کا مقصد پوری دنیا میں امن اور باہمی فائدہ مند تعلقات ہے، اقتصادی سفارت کاری کو مرکزی دھارے میں لانا ہماری ترجیح ہے، پاکستان اقوام متحدہ کے چارٹر کے اغراض و مقاصد کی حمایت جاری رکھے گا۔
https://x.com/ForeignOfficePk/status/1742799964827464083?s=20
نگراں وزیراعظم نے کہا کہ پاکستان اپنے مظلوم فلسطینی بہن بھائیوں کی جدوجہد کی ہر فورم پر حمایت جاری رکھے گا، اورجموں و کشمیر تنازعہ کی اقوام متحدہ کی سلامتی کونسل کی قراردادوں کے مطابق حل کا حامی ہے، پاکستانی سفارت کار ملک کا مؤقف بین الاقوامی سطح پر اجاگر کرنے میں اہم کردار ادا کر رہے ہیں۔

پیپلزپارٹی نے الیکشن 2024 کیلئے اپنا ابتدائی شیڈول جاری کردیا

ترجمان کے مطابق دفترخارجہ میں مختلف ممالک میں موجود پاکستانی سفرا کی کانفرنس جاری ہے، جس میں مختلف ممالک میں تعینات تقریباً 20 پاکستانی سفرا شریک ہیں کانفرنس میں امریکا، برطانیہ، روس، چین، فرانس، سعودی عرب، امارات، یورپین یونین اور ازبکستان سے پاکستانی سفرا موجود ہیں، کانفرنس میں پاکستانی خارجہ پالیسی کودرپیش چیلنجز پر مشاورت جاری ہے، سفرا کی کانفرنس اگلے2 دن بھی جاری رہے گی، اور اس میں خارجہ پالیسی کے دو طرفہ سفارشات کو حتمی شکل دی جائے گی، اور خارجہ پالیسی سے متعلق امور زیر بحث آئیں گے۔

آئندہ ہفتے بارش کی پیشگوئی