ورلڈکپ؛ پہلی بار پاکستان کو افغانستان کے ہاتھوں‌شکست

انٹرنیشنل کرکٹ کونسل ون ڈے ورلڈکپ میں افغانستان نے پہلی بار پاکستان کو شکست دے کر ایونٹ میں دوسری کامیابی حاصل کرلی ہے جبکہ افغانستان نے پاکستان کا دیا گیا 283 رنز کا ہدف با آسانی 49 اوورز میں 2 وکٹوں کے نقصان پر مکمل کرلیا جبکہ اس میچ میں ابراہیم زدران 87 رنز بناکر نمایاں رہے۔

جبکہ واضح رہے کہ افغانستان کی پاکستان کے خلاف ون ڈے انٹرنیشنل میں یہ پہلی کامیابی ہےجبکہ رواں ورلڈکپ میں افغان ٹیم نے دوسرا اپ سیٹ کیا ہے تاہم اس سے قبل افغانستان نے دفاعی چیمپئن انگلینڈ کو شکست دے کر بڑا اپ سیٹ کیا تھا لیکن یہ بھی واضح رہے کہ گرین شرٹس کو رواں ورلڈکپ میں تیسری ناکامی کا سامنا کرنا پڑا اور پاکستان نے اب تک ورلڈکپ میں 5 میچز کھیلے جس میں 2 میں کامیابی ہوئی جبکہ 3 میچز میں شکست ہوئی۔

لہذا اب ورلڈکپ کے سیمی فائنل میں پہنچنے کے لیے گرین شرٹس کو اپنے بقیہ 4 میچز ضرور جیتنا ہوں گے تاہم یاد رہے کہ چنئی میں کھیلےگئے میچ میں پاکستان نے افغانستان کے خلاف ٹاس جیت کر پہلے بیٹنگ کا فیصلہ کیا تھا اور پاکستان نے مقررہ 50 اوورز میں7 وکٹوں کے نقصان پر 282 رنز بنائے، بابر اعظم 74 اور عبد اللہ شفیق 58 رنز بناکر نمایاں رہے اور افغانستان کے خلاف میچ میں پاکستان ٹیم میں ایک تبدیلی کی گئی، محمد نواز بخار کے باعث ٹیم میں شامل نہیں ہیں، ان کی جگہ شاداب خان کو ٹیم میں شامل کیا گیا ۔