پاکستان معاشی طور پر دیوالیہ ہوچکا. مبشر لقمان
سینئر صحافی مبشر لقمان کا اپنے پروگرام کھرا سچ میں کہنا تھا کہ پاکستان معاشی طور پر دیوالیہ ہو نہیں رہا بلکہ ہوچکا ہے، اب ہمیں مانگ مانگ کر خود کو بچانا ہے جو ہماری ایک مجبوری ہے اور عادت بن گئی ہے، لیکن یہ بات ہماری اشرافیہ کو سمجھ نہیں آرہی ہے۔ علاوہ ازیں شو میں شریک اشتر اوصاف نے کہا کہ ہم اپنی توانائیاں فضول ضائع کررہے ہیں جیسے کہ صدر پر بات ہورہی کہ اس کے پاس اختیار ہے بھی یا نہیں اور پھر اشتر اوصاف کا یہ بھی کہنا تھا کہ ہمیں مثبت سوچنا چاہیئے اور اپنے اداروں کو عزت دینی چاہئے اور ان کے خلاف نہیں جانا چاہئے.
https://twitter.com/pnnnewspk/status/1694418494224502961
جبکہ سینئر اینکر مبشر لقمان نے کہا کہ ہماری اشرافیہ کے خرچے ویسے کے ویسے اور آج بھی بجلی کے بل میں اضافہ ہوگیا حالانکہ آئی ایم ایف نے ایسا نہیں کہا تھا بلکہ انہوں تو کہا تھا کہ اپنی ٹیکس وصولی کو صحیح کریں۔ ان کا کہنا تھا کہ آپ سپریم کورٹ کو ہی دیکھ لیں آج بھی وہاں توشہ خانہ کی رٹ لگی ہوئی ہے جبکہ لاکھوں کیس جو کئی سال سے پینڈنگ ہیں ان کا کیا یا پھر ان کا بھی پی ٹی آئی سے تعلق ہونا لازمی ہے۔
مزید یہ بھی پڑھیں؛
دہشتگرد، سہولتکار اُن کے ساتھیوں کا پیچھا کریں گے،آرمی چیف
شاہد خاقان عباسی کیخلاف ایل این جی ریفرنس، اسپیشل جج سینٹرل کو منتقل
نوعمرسگریٹ نوشی کرنے والوں کی دماغی ساخت تبدیل ہوتی ہے،تحقیق
انہوں نے کیس کے حوالے سے بات کرتے ہوئے کہا مجھے ایسے لگا کہ جیسے چیف جسٹس صاحب کہیں گے کہ آو چلو جیل چلتے اور ملزم عمران خان کو رہا کرکے پروٹوکول کے ساتھ گاڑیوں میں بیٹھا کر گھر چھوڑتے ہیں۔ علاوہ ازیں مبشر لقمان نے کہا اگر کوئی غلط درخواست جاتی ہے کسی کے خلاف تو ایسا قانون بھی ہونا چاہئے کہ اس غلط شکایت کرنے والے کو سزا دے اور اگر اس پر عمل ہوجائے تو اس کے بعد 99٪ کیسز تو ادھر ہی ختم ہوجائیں گے۔
