پاک بحریہ نے نئی ڈاکیومینٹری” ضرب آب "جاری کر دی
پاک بحریہ نے یوم بحریہ کے موقع پر ڈاکیومنٹری ضرب آب ریلیز کر دی.ضرب آب بحری دفاع کیلیےتشکیل دی جانے والی سپیشل فورس پر بنائی گئی ہے ..ڈاکیومنٹری اسپیشل فورس کی آپریشنل صلاحیتوں کی عکاسی کرتی ہے،
تفصیلات کے مطابق پاک بحریہ کے ترجمان نے بتایا کہ ضربِ آب بحری دفاع کے لیے تشکیل دی جانے والی اسپیشل فورس اور میرینز پر بنائی گئی ہے۔
ترجمان کا کہنا ہے کہ ڈاکیومنٹری آپریشنل صلاحیتوں کی بھرپورعکاسی کرتی ہے، پیشہ ورانہ قابلیت اور خطرات سے نمٹنے کے مظاہرے اس ڈاکیومنٹری کا حصہ ہیں۔
Promo of #PakNavy documentary "Zarb-e-Aab".
The Documentary is a depiction of professional & operational capabilities of Special Force & Marines to face & fight any adversaries while defending the Maritime Frontiers. https://t.co/ByqniegshR#PakistanNavyDay pic.twitter.com/8rHKJd1Ato— DGPR (Navy) (@dgprPaknavy) September 7, 2019
واضح رہے کہ جنگِ ستمبر میں پاک بحریہ کی شان دار کارکردگی کی یاد میں ہر سال 8 ستمبر کا دن یومِ بحریہ کے طور پر منایا جاتا ہے، اس دن پاک بحریہ نے پاکستان کی بری اور فضائی افواج کے شانہ بشانہ رہ کر دشمن کے دانت کھٹے کیے۔
8 ستمبر افسران، جوانوں کےغیرمعمولی حوصلے وشجاعت کی یاد دلاتا ہے، 8 ستمبر ہماری بحری تاریخ کا سنہری باب ہے۔
پاک بحریہ کے سربراہ نے اس موقع پر کہا کہ آپریشن سومنات جس جرأت ودلیری سے انجام دیا گیا وہ باعث فخر ہے، 8 ستمبرکو پاک بحریہ نے دوارکا میں بھارتی ریڈار اسٹیشن کوتباہ کیا۔
انہوں نے کہا کہ پاکستان کی آب دوزغازی کا خوف بھارتی نیوی کے جہازوں پرچھایا رہا، آب دوزغازی نے سمندر پر بالادستی قائم کیے رکھی۔
ایڈمرل ظفر محمود عباسی نے کہا کہ عصر حاضرمیں میری ٹائم سیکٹرکومتعدد چیلنجز، دہشت گردی کا سامنا ہے، عالمی بحری افواج سے مل کرعالمی پانیوں میں امن واستحکام یقینی بنا رہے ہیں۔
نیول چیف نے کہا کہ بحریہ مکمل چوکس ہے جس کا ثبوت بھارتی آب دوز کا سراغ لگایا جانا ہے، جدید بھارتی آب دوزکا سراغ لگا کراس کے عزائم ناکام بنائے گئے۔
پاک بحریہ کے سربراہ نے کہا کہ گوادر بندرگاہ کی ترقی اور سی پیک معاشی فوائد کے حصول کے مواقع فراہم کریں گے۔
