پاک سر زمین پارٹی کل کوئٹہ میں بھر پور عوامی طاقت کا مظاہرہ کرے گی

پاک سر زمین پارٹی کل بروز جمعہ کوئٹہ ایوب اسٹیڈیم میں بھر پور عوامی طاقت کا مظاہرہ کرے گی۔ جلسے سے چئیرمین پاک سر زمین پارٹی سید مصطفیٰ کمال اہم خطاب کریں گے۔ پی ایس پی کا کوئٹہ جلسہ جہاں ایک جانب بلوچستان میں نئی سیاسی تاریخ رقم کرے گا وہیں دوسرے جانب ملک دشمن طاقتوں کے تابوت میں آخری کیل ثابت ہوگا۔موجودہ اور سابقہ حکمرانوں سے ناامید بلوچستان نے پاک سر زمین پارٹی سے امید لگا لی ہے۔کوئٹہ جلسے کے لئے تمام تیاریاں مکمل کرلی گئی ہیں،

اس سلسلے میں ایوب اسٹیڈیم کی پارکنگ میں 50 فٹ لمبا، 30 فٹ چوڑا اور 30 فٹ بلند شاندار اسٹیج بنایا گیا ہے،جلسے گاہ میں ہزاروں کی تعداد میں کرسیاں لگا دی گئی ہیں اور مزید ہزاروں کی تعداد میں کرسیاں لگائی جارہی ہیں۔شہر کی تمام شاہراہوں، چوراہوں، پلوں، بلند عمارتوں کو رنگ برنگے برقی قمقموں، قومی اور پارٹی پرچموں، پی ایس پی کے چئیرمین سید مصطفی کمال، صدر انیس قائم خانی کی قد آور تصاویر اور پینا فلیکس اور اسکرین بورڈ سے سجادیا گیا ہے، کوئٹہ میں عوام کا جوش خروش قابلِ دید ہے۔ رات گئے تک شہر کی مختلف شاہراہوں پہ نوجوان پارٹی ترانوں پر والہانہ رقص کرتے رہے۔