شکست کے باوجود نیوزی لینڈ ٹیم کے کپتان نے پاکستان ٹیم کو‌کریڈٹ دے دیا

شکست کے باوجود نیوزی لینڈ ٹیم کے کپتان نے پاکستان ٹیم کو‌کریڈٹ دے دیا

نیوزی لینڈ ٹیم کے کپتان کین ولیمسن کا کہنا ہے کہ پاکستان ٹیم کو آخری روز تک کھیلنے پر کریڈٹ جاتا ہے۔

کرکٹر کین ولیمسن نے پاکستان کے خلاف ٹیسٹ میچ جیتنے پر کہا ہے کہ ہماری توجہ موجودہ وقت پر ہے، ہم ورلڈ ٹیسٹ چیمپیئن شپ کا فائنل کھیلنا چاہتے ہیں۔

نیوزی لینڈ کپتان کین ولیمسن نے کہا ہے کہ پاکستان کی ٹیم نے بھی اچھا میچ کھیلا ہے۔

واضح رہے کہ پاکستان ٹیم 373 رنز کے تعاقب میں271رنز بناکر آؤٹ ہوگئی.،نیوزی لینڈ نے پہلے ٹیسٹ میچ میں پاکستان کو 101 رنز سے شکست دے دی۔2 ٹیسٹ میچز کی سیریز میں نیوزی لینڈ کو پاکستان پر 0-1 کی برتری حاصل ہوگئی

دوسری جانب پاکستان کو ہرا کر نیوزی لینڈ پہلی مرتبہ ٹیسٹ کی نمبر ون ٹیم بن گئی،نیوزی لینڈ نے پہلی بار رینکنگ میں پہلی پوزیشن حاصل کی ہے

اظہر علی نے 34 اور فواد عالم نے 21 رنز سے پانچویں روز کھیل کا آغاز کیا۔ اظہر علی زیادہ دیر تک وکٹ پر نہ ٹھہر سکے اور 48 رنز پر چلتے بنے۔ کپتان محمد رضوان 60 سکور پر جیمیسن کی بال پر ایل بی ڈبلیو ہوئے، فواد عالم نے سنچری بنائی تاہم 102 رنز پر ہی ویٹلنگ کو کیچ پکڑا بیٹھے اور پویلین لوٹ گئے۔ یاسر شاہ صفر جبکہ فہیم اشرف 19 رنز پر ہمت ہار گئے، یوں 259 رنز پر پاکستان کی 8 وکٹیں گر گئیں۔

گزشتہ روز 373 رنز کے ہدف کا تعاقب کرنے کیلئے قومی بلے باز اِن ایکشن ہوئے، دونوں اوپنر شان مسعود اور عابد علی کھاتہ کھولے بغیر پویلین لوٹ گئے، حارث سہیل 9 رنز بنا کر نو دو گیارہ ہوئے، دن کے اختتام پر قومی ٹیم نے تین وکٹ پر 71 رنز بنا لیے، اس سے قبل کیویز نے دوسری اننگز میں 5 وکٹوں کے نقصان پر 180 رنز کا اضافہ کیا اور اننگز ڈکلیئر کر دی