لندن، اظہر جاوید ، سابق وزیراعظم نواز شریف کی صحافیوں سے ملاقات، اہم انکشافات اور تعمیری تجاویز
سابق وزیراعظم میاں محمد نواز شریف نے میڈیا نمائندوں سے ایک غیر رسمی (آف دی ریکارڈ) ملاقات کی، جس میں انہوں نے صحافیوں کے سخت ترین سوالات کے کھلے دل سے جوابات دیے۔ ملاقات کے دوران نواز شریف نے پنجاب کی ترقی، ملکی معیشت، اور سیاسی قیادت کے حوالے سے اہم نکات پر روشنی ڈالی۔نواز شریف کا کہنا تھا کہ “پاکستان اب صحیح سمت میں چل پڑا ہے، وزیراعظم شہباز شریف بہترین کام کر رہے ہیں۔” انہوں نے مزید کہا کہ شہباز شریف نے گرتی ہوئی معیشت کو اپنے پاؤں پر کھڑا کر دیا ہے، جو ایک بڑی کامیابی ہے۔
پنجاب کے حوالے سے نواز شریف نے مختلف تجاویز پیش کیں، جن کا مقصد صوبے کو اس کی تاریخی اور خوبصورتی والی حالت میں واپس لانا ہے۔ انہوں نے کہا کہ لاہور کی بحالی کے لیے کئی منصوبے جاری ہیں اور جلد ہی شہر کو اس کی اصلی حالت میں بحال کیا جائے گا۔مریم نواز کے کردار پر بات کرتے ہوئے نواز شریف نے کہا کہ “مریم نواز نے پنجاب میں ترقی کی نئی منازل طے کی ہیں اور وہ کسی بھی منصوبے میں میرٹ کے خلاف کوئی کام نہیں کر رہیں۔”
اپنی صحت کے بارے میں بات کرتے ہوئے کہا مجھے دیکھ لیں میں بلکل صحت مند ہوں نواز شریف نے آخر میں کہا کہ “ہم سب کو مل کر پاکستان کی ترقی کے لیے اپنا کردار ادا کرنا ہوگا، یہی وقت ہے کہ قومی مفاد کو ذاتی مفاد پر ترجیح دی جائے۔”
