راولپنڈی :پاک فضائیہ کی قومی فضائی دفاعی مشقیں :دشمن پرہیبت طاری ،اطلاعات کے مطابق پاک فضائیہ نے ایک قومی فضائی دفاعی مشق کا انعقاد کیا جس میں جارحانہ اور دفاعی آپریشن تیاریوں پر توجہ مرکوز کی گئی۔
پاک فضائیہ کے ذرائع کے مطابق اس مشق کا مقصد حقیقت پسندانہ خطرے کے ماحول میں پاکستان ایئر ڈیفنس کی آپریشنل تیاریوں اور جنگی تیاریوں کو بڑھانا تھا۔
پی اے ایف کے آپریشنل اثاثوں کے علاوہ جن میں لڑاکا طیارے، سرفیس ٹو ایئر میزائل سسٹم، سینسرز، فورس ملٹی پلائر اور بیٹل مینجمنٹ سینٹرز شامل ہیں۔ مشق میں آرمی ایئر ڈیفنس کے عناصر کو بھی شامل کیا گیا۔ پی اے ایف ایئر ڈیفنس کمانڈ نے تمام شریک ایئر ڈیفنس اثاثوں پر مجموعی کمانڈ اور کنٹرول کا استعمال کیا۔
