بھارت کا ملائیشیا سے ڈاکٹرذاکرنائیک اورکشمیرپرحمایت کی وجہ سے پام آئیل نہ لینے کا اعلان،کپتان کا اعلان بھارت ہوا پریشان

کوالالمپور:بھارت کا ملائیشیا سے ڈاکٹرذاکرنائیک کی وجہ سے پام آئیل نہ لینے کا اعلان،کپتان کوبھرپورجواب ،علماکا احترام ،اسلام کا احترام ملائیشیا سے پام آئیل لینے کا اعلان ا،طلاعات کےمطابق بھارت نے ڈاکٹرذاکرنائیک کوتحفظ دینے اورمسئلہ کشمیر کے معاملے پر کشمیریوں کے حق میں بیان دینے پر بھارت نے ملائیشیا سے پام آئل خریدنے پر پابندی عائد کر دی تھی تاہم پاکستان نے پام آئل خرید کر دوستی نبھانے کا فیصلہ کیا ہے۔

باغی ٹی وی کےمطابق بھارت نے مسلمان سکالرڈاکٹرذاکرنائیک کو خلاف بھارت میں‌اسلام کے پھیلاوکا ذممہ دار قرار دینے کے بعد ملائیشین حکومت سے مطالبہ کیا کہ وہ ڈاکٹرذاکرنائیک کو بھارت کے حوالے کرنے کا مطالبہ کیا تھا جسے وزیراعظم مہاتیر محمد نے سختی سے مسترد کردیا تھا جس کے بعد بھارت نے ناراضگی کا اظہارکرتے ہوئے ملائیشیا سے دوری اختیارکرلی تھی ، بھارت نے اسی وجہ سے بھارت کو پام آئیل نہ خریدنے کی دھمکی بھی دی تھی

5اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کر کے مقبوضہ وادی میں کرفیو نافذ کر دیا تھا اور بھارت نے کشمیریوں کی نقل وحرکت پر پابندی عائد کر رکھی ہے جبکہ یکم نومبر سے بھارتی شہریوں کو مقبوضہ کشمیر میں جائیداد خریدنے اور وہاں رہنے کا حق بھی حاصل ہو گیا ہے۔مقبوضہ کشمیر میں غیر انسانی کرفیو اور لاک ڈاؤن کو تقریبا 7ماہ گزر چکے ہیں ۔ مسئلہ کشمیر کے معاملے پر کشمیریوں کے حق میں بیان دینے پر بھارت نے ملائیشیاسے پام آئل خریدنے پر پابندی عائد کر دی تھی تاہم اب پاکستان نے ملائیشیا سے پام آئل خریدکر دوستی نبھانے کا فیصلہ کیا ہے۔

وزیراعظم عمران خان کے دورہ ملائیشیا کے دوران ملائیشین وزیراعظم مہاتیر محمدنے وزیراعظم عمران خان سے ون آن ون ملاقات میں پام آئل کا مسئلہ اٹھایا تھا جس پر وزیراعظم عمران خان کا کہنا تھا کہ پاکستان ملائیشیا سے مزید پام آئل خریدنے کے لیے ہر ممکن اقدام کرے گا،اور بھارت کی جانب سے ملائیشیا پر پابندی کے بعدپاکستان اس کی تلافی کے لئے پوری کوشش کرے گا۔

یاد رہے کہ ملائیشین پام آئل کونسل کے مطابق ، پچھلے سال ملائیشیا سے پاکستان نے 1.1 ملین ٹن پام آئل خریدا تھا ، جبکہ بھارت نے 4.4 ملین ٹن خریدا تھا۔
وزیراعظم عمران خان کا 2روزہ دورہ ملائیشیا مکمل ہو گیا ہے۔ دورہ ملائیشیا کے دوران وزیر خارجہ شاہ محمود قریشی، وزیر منصوبہ بندی اسد عمر اور مشیر تجارت بھی وزیراعظم کے ہمراہ تھے۔ وزیراعظم عمران خان دورہ ملائیشیا مکمل کر کے وطن واپس روانہ ہو گئے۔وزیراعظم عمران خان کو ملائیشیا کے وزیرخارجہ اور وزیر دفاع نے الوداع کیا۔

دورہ ملائیشیا کے دوران وزیراعظم اورمہاتیر محمد کے درمیان ون آن ون ملاقات ہوئی جس کےبعد مشترکہ پریس کانفرنس کرتے ہوئے ملائیشین وزیراعظم مہاتیر محمد نے کہا کہ وزیراعظم پاکستان سے باہمی تعاون سے متعلق جامع مذاکرات ہوئے ہیں، ملاقات میں دوطرفہ تعلقات کومزید مستحکم بنانے کا اعادہ کیا گیا جبکہ ہرسطح پررابطوں کوفروغ دینے پراتفاق کیا گیا ہے۔ ملائیشین وزیراعظم نے کہا کہ وزیراعظم کا دورہ ملائشیا دوطرفہ تعلقات کاعکاس ہے ۔

پاکستان اورملائشیا کے مابین وفود کی سطح پرمذاکرات جاری رہیں گے۔ مہاتیرمحمد کا کہنا تھا کہ دفاع اور تعلیم کے میدانوں میں بھی تعاون بڑھانے پراتفاق کیا گیا، اس کےعلاوہ تجارتی رکاوٹوں کو دور کرکے باہمی تجارت پر اتفاق کیا گیاہے۔ ملائشین وزیراعظم کاکہنا تھا کہ مسلم امہ کو درپیش چیلینجز کے لئے مل کر کام کریں گے۔