پاکستان اور کیوبا کے مابین سرکاری وسفارتی پاسپورٹ پر ویزہ کی شرط کو جزوی طور پر ختم کرنے سے متعلق معاہدے طے پاگیا،

سعودی فوٹو گرافر کی حرم مکی میں لی گئی تصویر نے بین الاقوامی ایوارڈ جیت لیا

اسلام آباد ۔ 30 اکتوبر (اے پی پی) پاکستان اور کیوبا کے مابین سرکاری وسفارتی پاسپورٹ پر ویزہ کی شرط کو جزوی طور پر ختم کرنے سے متعلق معاہدے طے پاگیا، بدھ کو یہاں وزارت خارجہ میں کیوبن نائب صدر رابرٹو مورالز اوجیدا اور وزیر خارجہ مخدوم شاہ محمود قریشی کی موجودگی میں پاکستان کی طرف سے سیکرٹری داخلہ میجر(ر) اعظم سلیمان جبکہ کیوبا کی طرف سے پاکستان میں تعینات کیوبن سفیر گیبریل کاپوتے نے معاہدے پر دستخط کئے۔ معاہدے کا اطلاق سرکاری پاسپورٹ رکھنے والے افراد اور سفارتی منصب رکھنے والے افراد پر ہوگا۔ معاہدے کے تحت دونوں ممالک کے سفارتی، خصوصی یا سرکاری پاسپورٹ رکھنے والے افراد کو ایک دوسرے کے ملک میں داخلے کے لیے ویزے کی ضرورت نہیں ہوگی،

وزیر خارجہ نے کہا کہ اس معاہدے سے پاکستان اور کیوبا کے مابین دو طرفہ تعلقات کو وسعت ملے گی اور دونوں ممالک کے مابین تجارتی، ثقافتی اور سفارتی تعلقات مزید مستحکم ہوں گے،