پاکستان بارکونسل اور اٹارنی جنرل آف پاکستان آمنے سامنے،بار کونسل نے فیصلہ مسترد کردیا
![](https://baaghitv.com/wp-content/uploads/2019/07/images-8.jpg)
اسلام آباد:پاکستان بار کونسل اور اٹارنی جنرل آف پاکستان آمنے سامنے، اٹارنی جنرل انور منصور کی جانب سے اعلیٰ عدلیہ کے 2 ججز کے خلاف ریفرنس فائل کرنے پر وزیر قانون فروغ نسیم کو بھیجا گیا اظہار وجوہ کا نوٹس معطل کرنے کے فیصلے کو مسترد کردیا۔
کونسل کے ایک رکن کے مطابق 30 جون کو کوئٹہ میں ہونے والے اجلاس میں ہی فیصلہ کرلیا گیا تھا کہ پاکستان بار کونسل کا کوئی رکن اٹارنی جنرل کے سامنے 3 جولائی کو پیش ہو کراس بات کی وضاحت نہیں کرے گا وزیر قانون کو اظہارإ وجوہ کا نوٹس کیوں جاری کیا گیا؟
پی بی سی نے وزیر قانون سے متعلق معاملے کو اپنی ایگزیکٹو کمیٹی کو بھجوادیا جو 3 ہفتے کے اندر معاملے کا فیصلہ کرے گی۔30 جون کو پی بی سی کے اجلاس کی سربراہی کرنے والے کونسل کے نائب چیئرمین سید امجد شاہ نے یہ موقف اپنایا کہ کونسل اٹارنی جنرل کو جوابدہ نہیں اور نہ ہی ان کے پاس کونسل کے احکامات معطل کرنے کا اختیار ہے۔